مشروع التمور ثاني اكبر صادرات المملكة بعد النفط

عبدالبديع · #1 (**permalink**) 18-07-2014, 10:39 AM

[align=center]السلام عليكم ورحمة الله وبركاتة

تحية طيبه لكم جميعا

فكرة التمور تدور في بالي من سنين ولم اجد الفرصة لدخول لهذه العالم ولاكن اخيرا قررت ادخل هذه التجاره من لدية خبرة في مجال التمور سواء زاراعة او توريد او تجارة يجود علينا بالمعلومات والتجارب
[/align]

عبد الرحمن آآ · #2 (**permalink**) 18-07-2014, 03:21 PM

وعليكم السلام ورحمة الله وبركاته
أنصحك بالسكري عن تجربه وموسمه بقا عليه 18 يوم تقريبآ
تشتري من الحراج بالقصيم وتبيع في الرياض والمدينه والطايف والشرقيه
تجربتي بالمنطقه الغربيه يفضلون الرطب تشتريه على 15 ريال بالكثير للكرتون (3 كيلو ) وتبيعه على 25 أقل شي
وإنتبه تشتري الناشف ومنا ناحية المفتل خذ معاك كميه قليله فقط سعره تقريبآ على 35 - 40ريال وتبيعه على 50 - 55 ريال
البسر ( السكري قبل لا يستوي ويكون لونه أصفر ) تشتريه على 4ريال يالكثير وتبيع على 15 -20
يعني اذا أخذت 100 كرتون رطب خذلك 40 بسر و 15 مفتل فقط
ونبتت علي تمشي في الجنوب
من ناحية الرياض والشرقيه ما أعرف أي الأنواع تمشي فيها بس كثير ناس يروحون يبيعون هناك

أكثر من الأسعار هذي لا تشتري نصيحه من أخ مجرب

غريب الاوطان · #3 (**permalink**) 18-07-2014, 08:52 PM

اذا كنت موظف حكومي فالنظام ما يسمح للموظفين الحكوميين استغلال أي نشاط تجاري كان لأنه نشاط خاص بالعاطلين عن العمل

اذا كنت عاطل عن العمل وتعمل في نشاط يملكه موظف حكومي النشاط ملكك من الأساس تصرف في ماله بالشكل الي تريد

بالنسبه للتمور فدخلها جيد لكن تعتمد على الموسم وهي تجارة مرحبه لكن زي ماقلت اذا كنت موظف حكومي احذر من المال الحرام

فكل جسد غذي بالحرام فالنار اولى به

واذا تريد تحليل مالك وما تاكل مال غيرك بالحرام افصل من وظيفتك الحكومية اذا كنت موظف واترك المجال لغيرك من العاطلين يتوظف أو لا تنافس غيرك وتجبره على الفقر بطرق ملتوية لأجل تاكل مال حرام وهو نصيب للعاطلين

أمير الهدوء · #4 (**permalink**) 19-07-2014, 07:13 AM

اقتباس:

المشاركة الأصلية كتبت بواسطة غريب الاوطان

اذا كنت موظف حكومي فالنظام ما يسمح للموظفين الحكوميين استغلال أي نشاط تجاري كان لأنه نشاط خاص بالعاطلين عن العمل

اذا كنت عاطل عن العمل وتعمل في نشاط يملكه موظف حكومي النشاط ملكك من الأساس تصرف في ماله بالشكل الي تريد

بالنسبه للتمور فدخلها جيد لكن تعتمد على الموسم وهي تجارة مرحبه لكن زي ماقلت اذا كنت موظف حكومي احذر من المال الحرام

فكل جسد غذي بالحرام فالنار اولى به

واذا تريد تحليل مالك وما تاكل مال غيرك بالحرام افصل من وظيفتك الحكومية اذا كنت موظف واترك المجال لغيرك من العاطلين يتوظف أو لا تنافس غيرك وتجبره على الفقر بطرق ملتوية لأجل تاكل مال حرام وهو نصيب للعاطلين

اخوي لا تحلل وتحرم من راسك ،، . النبي- صلى الله عليه وسلم- قال: (أجرأهم على الفتيا أجرأهم على النار)...
ما هو بلازم يفصل من وظيفته اللي رزقه الله بها علشان يحلل ماله ...تذكر وانا اخوك ان الفتوى لاهلها وناسها والشيوخ حفظهم الله موظفين والبعض عندهم مشاريع فهل انت أعلم منهم !!!!

غريب الاوطان · #5 (**permalink**) 19-07-2014, 09:33 AM

اقتباس:

المشاركة الأصلية كتبت بواسطة أمير الهدوء

اخوي لا تحلل وتحرم من راسك ،، . النبي- صلى الله عليه وسلم- قال: (أجرأهم على الفتيا أجرأهم على النار)...
ما هو بلازم يفصل من وظيفته اللي رزقه الله بها علشان يحلل ماله ...تذكر وانا اخوك ان الفتوى لاهلها وناسها والشيوخ حفظهم الله موظفين والبعض عندهم مشاريع فهل انت أعلم منهم !!!!

أنا بس انبهه وما يحتاج فتوى لأن الاتفاف على النظام مخالفه لأوامر ولي أمر المسلمين وطاعة ولي الأمر واجبه

الأعمال الحره وفتح المشاريع خاصه بالعاطلين وانبهه بس حتى ما يكون عاصي اوامر ومن المفسدين في الأرض الا اذا ما تطيع اوامر ولي الأمر فهذا شانك أنت وكل مؤيد للعصيان

عبدالبديع · #6 (**permalink**) 19-07-2014, 11:36 AM

جزاكم الله خير جميعا وبارك الله في طرحكم ولو كنت اتمنى ان نفيد ونستفيد من الموضوع ونركز على الجانب الاساسي لتعم الفائدة للجميع انتظر ردودكم العملية ولم خالص الشكر

مشتاق لك · #7 (**permalink**) 19-07-2014, 01:29 PM

كمل وانا اخووووووووك بنتضار الافكار

اقترح نسوي موضوع خاص بنا يا اهل القصيم ونبيع التمر للي من خارج منطقة القصيم

واترك الكلام الفاضي اللي يقوول حرام .
اذا ماخاب ضني الشيخ الجبيلان او عائض القرني بالتجاره شاطر وهو يقوله بنفسه ببرنامج سواعد الاخلاء

وعدي وفاء · #8 (**permalink**) 19-07-2014, 06:24 PM

اقتباس:

المشاركة الأصلية كتبت بواسطة غريب الاوطان

أنا بس انبهه وما يحتاج فتوى لأن الاتفاف على النظام مخالفه لأوامر ولي أمر المسلمين وطاعة ولي الأمر واجبه

الأعمال الحره وفتح المشاريع خاصه بالعاطلين وانبهه بس حتى ما يكون عاصي اوامر ومن المفسدين في الأرض الا اذا ما تطيع اوامر ولي الأمر فهذا شانك أنت وكل مؤيد للعصيان

انا عاطل ولكن تقول اللي يشتغل بالأعمال الحره وهو موظف حرام يا ساتر يا مسلم أتق الله حسستني انه يبيع مخدرات الرازق بالسماء والحاسد بالأرض وبعدين هو ماسوى شيء فيه معصية الله بالعكس الناس تبي ترزق الله وتبي تزيد من دخلها خلنا نفترض ان راتبه ضعيف ويعول عائله هذا وش يسوي يحط يد على يد ويقول النظام ما يسمح اللي حط النظام مادرى عنك وبعدين اذا وضعك المادي طيب ترى فيه ناس لا انا ولاانت ادري عندهم متعففين وترى حنا في زمن غلا الله يجزاك خير.