السلام عليكم اخوي جاني وقال ان عنده مشروع مربح نوعا ما ويغطي احتياجاتنا الشهريه
وقدمت على القرض وان شاءالله يجي بس ابي رايكم بالمشروع
شراء راس شاحنه مدري تريله المهم بس راسها ونأجره عن طريق مكتب
ونسوي عليه تأمين هذي افكاري عشان اضمن عدم الخساره عشان مااتوهق
عاد مدري افكار صحيحه او لا
المهم المشروع بشكل عام هل هو مربح وكم يكلف لان البنك بيعطيني 60 الف
ومين مجرب يقولي كم يربح شهريا

60 آلف برآس شاحنة ..

هذي لو تشليح ماتحصلينها بهـ القيمة /:

على العموم المعدات الثقيلة فيها خير وتعبُ

لكن وقت التقديم وش شروطهم ؟ وكيف الضمانات كفيل غارم ؟ ايضا هل طلبوا رخصه عمومي ؟

زيديها 40 الف وخذي راس البي 8 رواس وتبي تعينين خير ان شاء الله اهم شي العامل يكون هندي اما من ناحيه الشغل فهو واجد والله يوفقكك لكل ما يحب ويرضاء

لحظة .. كيف عطوك بنك التسليف !! انا جيتهم وابي اخذ قرض باسم اخوي وعطيتهم نشاطي قال لازم تجيب شهادة بنفس النشاط !!

يااخوان المشروع لاخوي انا مافهم فيه بس حبيت استشيركم والفلوس من عندي
والقرض ماخصه بالمشروع هو قرض اسره ومنطبقه علي الشروط وعندي كفيل وهو اخوي الثاني ههههههه
عموما شكرا لكم ماقصرتوا الله يسعدكم

فيه بيت شعر يقول
غنيمه ترقا بها الجدي وسهيل **وغنيمه منها السلامه غنيمه ��
المعدات الثقيلة السلامه منها غنيمه. انا عندي ٤شاحنات والله ماني عارف كيف انام عطالات ومشاكل
اذا نمت دق علي السواق قال بابا كفر بم هههههههه يعني انفجر رح عاد شف وين مكانه اذا هي ٧٠٠كليو قريب
لكن فيها خير للي بيصبر فيها تعب وشغل وفيها خير

انصح اخوك بموسسه مقاولات ماتكلفه ٢٠الف مكتب ويقدم على الرخصه يطلعها ويعطيها معقب نشيط اذا هو معقب صح٣شهور العمال عندك ٣عمال شهري ٦٠٠٠ريال اضعف الإيمان. وبعد كم شهر يعطونه ٣الى ٤عمال والدخل دبل بس تبي اداره صح واربح بكثير من المعدات.

موفقين خير ان شاء الله

وفقك الله ، أهم شي العقد ثم أشتري حتى تضمن حقك ولآ تتوهق

واستخير ثم استخير ثم استخير

بالتوفيق

شكرا لعرض تجاربكم واخوي اطلع على الردود وان شاءالله ربي بيكتبلنا الخير حيثما كان وللجميع ان شاءالله

بالتوفيق ان شاء الله
المعدات فيها رزق طيب

والله يرزق الجميع
بس اهم شي انه لما تأجر المعدات تأجر لواحد ابن حلال