السلام عليكم ورحمه الله وبركاته


حاولت ان لا أكتب هذا الموضوع ليس لسبب لاني حارس أمن ولكن السبب هو أني فيزيائي !!

سوف يتعجب الكثير من قراءه الموضوع يقول كيف جامعي وتخصص فيزياء يعمل حارس أمن

في سوق من أسواق الرياض !!!


لا تستغرب لاني حاولت أكثر من مره أسجل في العسكريه بعد مارسبت في كفايات هو فعلاُ نهايات !!!


ولكن أفشل في النظر لاني عيوني تعبت من كثر المذاكره والسهر والأيام التي كنت فيها في الجامعه ...


وبعدها أخترت اذهب إلى المدارس الأهليه وكما هو معروف سيطره أهل الديره المصاريه على هذا

القطاع الذي لو فتح فيه المجال إلى أبناء الوطن لما كان هناك معلم عاطل !!!!


يقولون لي أترك ملفك ورقمك وهذه هي السنوات تمر ولم يرن هاتفي ,...


كنت أتمشى في سوق من أسواق الرياض وجدت لوحه مكتوب نريد حراس أمن وقدمت عليهم


كذا لم أتوقع أنه يقولون لي خلص أوراقك وبعدها تدوام ...


قلت أوكيه أتفقنا على كل شيء وأخترت طريق لم أتمنى أسير فيه ...


ولكن أشعر براحه لاني حارس أمن وشكراً يامختبرات الجامعه على تقديم لي الشهاده !!!

وسلامتكم ....

* أتمنَى التعلِيق علَى ما قرِأت ولكنٍ آخشى بِمَا سَأتي بِه

كُل مَا أمِلكُه لكَ الا الدُعاِء ، لايِكفيِني التَعلِيق لإ أسكت الألمَ ، ولا السُطور لأأخُرِج الصَرخَات ، ولِكُن لإ حَيِآةَ لِمَن تُنِاديِ .,،

أ هَل هِذا آخِرُ الزَماِن فِيه النَاسُ يتَغيُرونِ ؟

إنِي رَاحُل الِى كَوكُبِ آخَرٌ لعَلِِ القَى قَوماً يِعرُفوَن معنَى الشَهادِه ، فَل تَحِجزُ مَكانَكَ مَعِي فَلا مَكَانَُ لنِا هُناِ .,،

.........

^^ اخي كاسبر ليش كوكب ثاني
انا تخصصي انجليزي من 3 سنوات متخرجه قدمت العام ع احدى الدول الخليجيه وتم قبولي لكن مارحت
لان ابوي رفض في اخر لحظه مع ان كان معاي من اول مارحت وقدمت لين المقابله ولما طلع القبول غير كلامه وان لمن اكون هناك بيحاتي وماراح يكون مرتاح وقلت عشان خاطره بجلس مع ان مميزات كثيره وراتب لو اقعد عشرين سنه هنا ما اخذه لكن الحمدلله اخترت رضا الوالد
لكن انتوا شباب روحوا مو غلط اذا رحتوا تدورون الرزق ارض الله واسعه والرزق مو محصور بمكان احنى بنات تحكمنا الدين العادات

أشكركم على تواجدكم

وأنرتم صفحتي بحروفكم

والله يكتب لنا ولكم الرزق

ويكتب لنا في شهر رمضان المبارك

النجاه من النار وقبول صالح الأعمال

ربي يفرج علينا جميعاً
انت بطل مكافح وان شاءالله بتزين امورك انت قوي انا جلست بوظيفة ثلاث شهور تقريبا وانا جامعية وعندي خبرة وماخذة دبلوم بعد
والي كنت اشتغل فيها الي معاها متوسط تتوظف فيها ماقدرت اتحمل الصراحة قررت اتركها لاني حسيت بكسر بقلبي استخرت ربي وتركتها ويدقون علي تعالي استقالتك غير مقبولة ومرتين قدمتها ومتفائلة بان الله بيعوضني ويعوضك وبيعوض كل من تعب وجد خير
ومع ذلك ابحث عن وظيفة براتب اعلى لانك درست وتستحق الافضل
ربي يفرج همك وهمي وجميع المسلمين

انتم مستوعبين انكم شباب مستقبلك بيدك ليه تنتظر سنين ويضيع عمرك وتظل عاجز وماتقدر تسوي شئ لروحك اقلها ياخي روح قدم بدول الخليج فيه وظائف في الامارات والكويت بمؤهلك جالسين تنتظرون وزاره التربيه وقراراتها التعسفيه وشروطهم التعجيزيه كل يوم كل هذا من اعماركم وشبابكم
انا ماتكلم هذا الكلام من باب القسوه لكن الانسان لازم يدور له مخرج لازم يبني مستقبله طيب مانقبلت في التدريس في السعوديه فكر بالفكره الي قدمتها لك في بدايه كلامي او خذ قرض من صندوق المؤيه او الجهات الي تمول المشاريع وابدا باي مشروع اتجه للتجاره تسعه اعشار الرزق بالتجاره اقرا في قسم المشاريع صدقني انت الان تحس باحباط وان الدنيا مقفله في وجههك انا مالومك شئ يغبن ان الواحد يدرس ويضل عاطل لكن لاتياس فكر بهدوء اعيد تخطيط حياتك لازم تطلع بفكره انت شاب وعندك مؤهلك التعليمي
ربي يوفقك ويسعدك وان شاء الله نقرا عنك اخبار ساره باذن الله ولاتتضائق من كلامي نصيحه اخت

صدقوني ما بحثت في الخليج وانا عارف لو بحثت راح اجد وظيفه

بس أنا في خاطري أعمل في بلادي أليس لي الحق في هذا

ربما مع الأيام تغير قناعاتي ...

حضوركم وحروفكم وتشريفكم

أعتزاز وفخر بالنسبه لي

كان الله في عونك


لكنا في الهواء سواء


ندرس وتخلص الجامعة


وبعدين الشهادة نحطها في كأس ماء ونشربة


ندعوا الله في هذا الشهر الفضيل ان تحقق امنياتك ونراك في افضل وظيفة تناسب طموحك وتخصصك

وعليكم السلام ورحمة الله وبركاته

كثييير مثل حالتك .. وأنت أفضل منهم قبلت لو بالقليل غيرك جالس ينتظر الوظيفة تجيه ..
حاول تجمّع من راتبك بوظيفتك الحالية وتقتصد قدر الإمكان ( التوفير) + ابحث في مناطق المملكة عن مايناسب تخصصك
والمبلغ اللي تجمعه سو فيه مشروع تتقنه .. وسجل بحافز .. وطاقات وباب رزق جميل عندهم شواغر وظيفية ..
حلول كثيرة تقدر تنجز منها .. فقط توكل على الله واعزم للوصول لهدفك
* التخطيط مرحلة مهمة لكل هدف ناجح
إذا فيه إمكانية تتصدق لو بريال بنية التيسير مفعولها عظيم ..
يسر الله أموركم ...

كم محنة تحولة إلى منحة بقدرة القادر
اقرأ وفقك الله ورعاك قول تعالى..
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا
وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} البقرة216
يعني يمكن انت ماانت راضي بوضعك هذا
ومتكدر والله عز وجل مخفي لك شيء ماتحلم به..

__________________
"لله دُر أمي إذا ابتسمت
تهادت جروح قلبي والتئمت"