هل تقديم الجامعيين مفتوح طوال السنة في قوات الطواري ؟! والي شهادته بكالوريوس لغة انجليزية وش يعطونه رتبة رقيب او وكيل رقيب ورواتبهم كم بالضبط ومركز التدريب بمكة متي تعقد دوراتهم ويستقبلون الطلبات

افيدونا الله يبارك فيكم

لاحد يقرا ويمشي لاتبخلون علينا بالمعلومات تفاعلوا مع الموضوع الله يبيض وجيهكم ويزين اموركم

وآلله مآعندي علم ولآ أٌقدر أفيدك بأي شي
لكن عندي تعليق بسيط ..
آذا أنت بكالوريوس جامعي ماشالله وتخصص لغة أنجليزية تخصص جيد
أحس أنه حرآم يروح تعبك بالجامعة على رتبة وكيل رقيب مع أحترامي ..
الكليات الأمنية والدفاع وغيرها ترحب بمثل هالتخصصات ولو ما أنكتبت لك التعليم مناسب

وأنت أدرى بمصلحة نفسك يا صديقي

بالتوفيق وأتمنا تلقى لك من يجاوب على استفساراتك

التقديمات طوال السنه للجنود فقط

اما بقية الرتب يكون التقديم عن طريق النت اذا اعلنو التسجيل

وانصح الابتعاد عن العسكريه
ماشاء الله شهادتك تأهلك لوظائف كثيره

بالله ما تحسها غبــنه

تخصصك جميل جدا

و تروح رقيب !!!

ياخي احترم تخصصك أقل شيء ....

كذالك إذا انا مب واهم , أضنك موجود معنا في تجمع ضباط الدفاع !

وش صار هونت عن الدفاع ولا وشو ؟

.

.

الله يوفقك ان شاء الله

لكن اتصل على الطواريء قبل تروح شف وش يقولون

اخذ العلم منهم

شف عندك الحرس الملكي التسجيل فاتح طوال العام

و باقي بعض القطاعات بتفتح لرتبة رقيب في الأشهر القادمة

بالتوفيق حبيبي

صبابة ، رحمتك يارب ،هولستن فراولة ، شاكر تفاعلكم والله يقويكم ويفتحلكم ابواب رزقه
هولستن لا باقي معكم بالدفاع انا بس النتيجة النهاءية محد يضمنها والامنية ماطلع رقمي مبدءي فقلت استفسر عن هالقطاع اذا ناسبني دخلته موفق حبيبي

صبابة مشكور عالنصيحة والله يوفقك يارب

رحمتك يارب مشكور ويعطيك العافية

كل عام ونتم بخير

انا نفسك بكالوريوس تخصصي لغه انجليزيه قدمت على الامنيه لم اقبل والتعليم ايضا بسبب اختبار خياس عفوا قياس مانجحت فيه . وبقدم على الطوارئ ويجيك واحد ويقول ياخي حرام تدخل رقيب الحرام تدري وش انك جامعي وتجلس كذا عاطل مفلس من الثنتين لا مدنيه ولا عسكريه . بالنهايه هذي ارزاق ورقيب افضل من غيرها . بالتوفيق للجميع