أي والله يا ليت تعلمونا ، إللي توظف مدني بدون واسطه يعلمناا

العسكرية صح تدخلها بدون واسطه لإن كل سنه دفعه .

من كثر التقاديم عليهم ولا جت مقابله شخصيه في اي شي ... ربي يرزقكم باحلى وظيفه

وعليكم السلام ورحمه الله وبركاته

انا ماابي احطم امالك بس مع الاسف حتى انا ابي اسمع عن احد توظف بدون وسطه كل الي اعرفهم من الشباب توظفو بوسطه ولا بفلوس ودمتم سالمين

لا يابعد حيي مافيه احد توظف بدون واسطه ابد
والحين مع الواسطة عنصرية
بفضفض لكم سالفة حصلت معي المهم انا انقبلت بوظيفة على المرتبه السادسة واختبرنا وقابلنا وامورنا تمام
وجاء وقت المباشرة وتفاجأة اسمي مو موجود ورحت للمسؤول وقلت الشباب باشرو اعمالهم وانا وش وضعي ..قال المدير شال اسمك وحط واحد مكانك قلت تمزح انت..
قال روح للمدير يعرفك قلت اعرفه بس سطحيه اعرف انه من الحي وكذا بس.قال هو عرف اسمك وشاله وحط واحد
رحت للمدير وش الوضع انا انجزت جميع ماطلب مني وجدير ومستحق الوظيفة وانتم مسختو اسمي
قال بصريح العباره ( حنا منا عليك ..يعني نمون عليك ونعوضك بالجايات
قلت تمون على قطع رزقي ؟؟ انا بجهدي وصلت ولا لأي شخص فضل واختبرت وقابلت ونجحت وانا من كم سنه اشحذكم وظفونا ماكأنكم تسمون وانت اولهم والحين جاي تقول تمون على راسي ولكن حسبي الله ونعم الوكيل وسحبت عليه
وانا مالي بالشكاوي والمحاكم وربما تكون خيرة
والله ياناس فساد وغبن من حميع الجهات خربانه من مسؤولبن وغيرهم مدحدرين

بسم الله والحمد لله رب العالمين
اولا الإرزاق بيد الله

الشئ الثاني الوسطات بدأت تقل بالوظائف الادرايه
قدمت على مسابقه بالعدل و لأعرف احد ..
أعلنت مسابقه واختبرت ولله الحمد اجتزت الاختبار ودخلت المقابلة
بعده بفترة أعلنت اسماء المقبولين ولم يوجد لدي اسم فلم ايئس وانتظرت والله لأعرف واسطه بالعدل
وبعد فتره نزلت دفعه ثانيه كانت على منطقتين ولم تكن منطقتنا منها
وانتظرت لإنني متوكل على الله
ولم يمض وقت طويل حتى أعلنت دفعه ثالثه وكان اسمي من ضمنها
المقصد لاتنتظروا بالبيت أسعوا للوظائف والله كاتب لكم رزقكم
الله يوفقكم جميعا واعتذر عن الإطالة

بس مع كل الواسطة، قدم وتوكل على الله يمكين يصير فيه نصيب

طبعاً وأكيد وبدون شك أن كلها بواااسطــه

أنا من (8) سنوات تقاديم وأختبارات ومقابلات وبدون فايــدة !!!
ودائماً أتفاجأ أن المعينن ماحضروا الأختبار من الأساس !!!

لفيت المملكة كلـه بدون فايــدة متنا من البطــالة ،،


بأختصار (( الواسطــة هـي الأســاس في التوظيـف ))

والله المستعان