ينقل الى واحة الاعضاء

الولد غلطان والأب كمان غلطان كان المفروض ياخذ ولده ويدمجه في المجتمع مثل حضور مناسبات واستقبال الضيوف وغيره ،،،

والولد كمان كسلان كان المفروض يتمرجل من صغره ويعرف ان أبوه ما بيبقى له على طول ويحط في باله انه وراه تكوين أسرة ويجد ويجتهد ويدرس ويتوظف ويستقل بحياته ،،،

هاذي القصة ذكرتني بشبل الأسد اللي تربى مع الخرفان وتطبع بطباعهم وكبر الأسد وهو يلعب مع الخرفان على أساس أنه خروف مهب أسد وفي يوم من الأيام هجمت أسود على قطيع الخرفان وكان هذا الأسد وياهم وهرب مع اللي هربوا بعد كذا استوقفه أسد وقله ورى هربت ؟ قال لأني خروف أخاف من الأسود قال له : رح ناظر لشكلك في ماء النهر وشوف اذا انت تشبه الخرفان ولما راح الأسد يناظر لهيئته تفاجأ إنه أسد وطول هاذي الفترة اللي عاش فيها مع الخرفان كان يظن انه خروف شكله مثل الخرفان.

طبعاً الوالد غلطان ومن هنا بلش الغلط >> الولد هذا حبه ابوه كثير وبدا يعامله معامله استثنائية

دايم نقول ان اساليب الرعايه الوالديه في الصغر هي البذرة اللي تتشكل عليها شخصية الطفل مستقبلاً
ان كان الاسلوب رفض الطفل او اهمال الطفل او الاهتمام والحماية الزائده
واضح ان الاب هنا استخدم الاهتمام والرعايه بشكل مبالغ فيه وهو مو حاس ان حبه لولده بشكل مبالغ يضره من غير لايدري
المفروض يكون في تقبل للطفل وتقديم الحب والعطف له واشباع حاجاته في كل المواقف لكن مع اختلاف الدرجات والاسلوب يعني انت يالوالد امسك العصا من النص لاتكون القاسي الشديد الرافض لابنك ولا تكون المهتم بزياده على حساب ذات الطفل وتحقيق ذاته مستقبلا