21-07-2014, 05:52 PM
|
عضو نشيط
|
|
تاريخ التسجيل: Jul 2014
المشاركات: 144
معدل تقييم المستوى: 64473
|
|
|
قصة طويلة .. بس شرايكم الغلطان الوالد ولا الولد ( واحد فشل بالحياة فشل ذريع )
بسم الله الرحمن الرحيم
هذي قصة حقيقية لواحد ربى عياله بطريقة سأقولها لكم
هذا واحد كان مستور الحال وجاه ولد وسيم وذكي جدا ً كان هالولد من ذكاءه ينجح بالمدرسة من دون ان يحضر يعني كان غايب ويذاكر بالبيت وهو طفل وينجح من دون شرح المدرس
الولد هذا حبه ابوه كثير وبدا يعامله معامله استثنائية لدرجة انه مايعلمه على اي شيء يعني يخليه يغيب عن المدرسة بالاسبوع والاسبوعين ورا بعض ومايعلمه اسلوب المرجلة ولا صعوبة الحياة واي شيء يبيه الولد يجيبه له ويخدمه خدمه كبيرة , يعني مثلا المدرسة والطفل بالابتدائي يخليه الوالد يغيب اسبوعين وثلاثة اسابيع عن المدرسة ويتصل هو على المدرسة يعتذر للولد ويقول تعبان ومن هالكلام ولاعلمه على الرجولة ولا على مداخل الناس فعاش وحيد يعتمد على ابوه بكل شيء فأصبح كل شيء جاهز له من غير مايتعلم او يعرف كيف وطول حياته كان مايروح للمدارس اربع وعشرين ساعة غايب وهو ذكي يقدر ينجح لما كبر اصطدم بالمجتمع اكتشف انه لايقدر يعزم ولايخالط الناس والادهى والامر انه مايقدر يشتغل لانه تعود على النوم وكل شيء جاهز عنده فكر انه يدخل العسكرية لما كبر لكن كان جسمه ضعيف مايتحمل لانه ماتعود على الصعوبات وابوه لما صار شايب اكتشف انه بيموت ويخليه وهو حتى الشغل مايعرف يشتغل لانه كان طول الوقت يجيه الشيء جاهز بالبيت ولما كبروا تهاوشوا الاب والابن قال الابن للاب انا ذكي وفاهم كل شيء والمفروض اصير دكتور على اقل شيء لو عاملتني معاملة زينة لكني تحولت لفاشل بسببك وبسبب تربيتك السيئة اللي خربتني على كل شيء ولاعلمتني وشلون استغل حياتي او افهم الحياة فبالاخير صرت ما اعرف شي وصعوبة الحياة ذبحتني وصرت قاعد بالبيت ما اقدر على شيء , والوالد يقول لا انت اللي كذا لانك مخلوق بهالشكل فانت صرت ماتعرف خلقه لانك اصلا ماتعرف وانا مالي دخل
فبرايكم من المخطي الاب او الابن اللي عجز يواجه الحياة
|
العرض العادي
