السلام عليكم و رحمة الله و بركاته

أنت توظفت في شركه سنة 2013/06/01 و فصلت 2014/07/19 قبل ثلاث أيام
يعني كملت سنه و شهر و 19 يوم

وسجلوني في التأمينات الاجتماعية 2013/10/01
يعني 9 شهور و 19 يوم

مع لعلم لم أخذ إجازه أبدا

هل لي حقوق عند الشركة ؟؟؟

عليكم السلام ورحمه الله وبركاته

طيب ليش سجلوك بالتأمينات بتاريخ 2013/10/01 ؟؟

المفروض تطالبهم بخصمية التأمينات على 3 رواتب أو تخليهم يعدلونها ويسجلونك على بداية العقد!! اتمنى ان العقد المبرم يكون عندك بنفس الفعليه للعمل.


بالنسبة للحقوق على حسب العقد المبرم بينك وبينهم
البعض يكون بحلول سنة والبعض بعد سنتين كـ( بونص)

حقوقك العامه هي كالتالي:


1.سالفة الإجازات، التصفيه بتكون بقدر مالي :
وترى تستحق أجازه يومين ونصف ( قد تقل أو تزيد) بعد مرور شهر من عملك إذا كانت اجازتك في العقد 30 يوم ، يعني عندك 30 يوم كامله وافيه واضف عليها يوم واحد وزياده شوي لحاصل الـ 19 يوم عمل

2.عندك 19 يوم لا تنساهم تاخذهم كمبلغ مالي ،، كيف تطلعهم - ((راتبك/30 يوم)*19 يوم)
3.إذا كان عندك ساعات (اوفر تايم) لا تتهاون فيها لو ساعه بس
4. شهادة الخببببببببببببببببببببببببببره مره مهمه ودقق على تواريخها

لا تخلي حقوقك ولا تتساهل فيها .

الله يوفقك

جزاك الله خير أخوي جامعي طفران
و إن شاء الله يرزقنا وياك الوظيفه الى نتمناها

بخصوص التأمينات يقولون فترة تدريب و تجربه

و راتب 19 يوم بنزلونه هاليومين
و الخبره باخذها منهم ان شاء الله

لكن كم بيطلع لي من الحقوق الراتب 3000
معليش مافهمتك و هذي أول وظيفه لي و أنا غشيم بهالأمور

نسيت أذكر الاجازه

الاجازة في العقد 21 يوم

لحساب مستحقات الاجازة حسب المعادلة التالية

( الراتب الاساسي + السكن ) / 30 = راتب اليوم الواحد للاجازة

راتب اليوم الواحد × 21 = مستحقات الاجازة

كم الراتب الاساس وكم السكن وكم بدل النقل عندك ؟؟

الراتب الأساسي = 2100
بدل السكن = 600
بدل المواصلات = 300

مستحقات الاجازة 1980
---------------------------------
( 2100+ 600 ) / 30 يوم =90 ريال

90 ريال× 22 يوم (الاجازة)= 1980ريال


مستحقات الـ 19 يوم هي 1900 ريال ينطح ريال
وهي كالتالي:
------------------------
3000\30 =100
100*19= 1900



1980 +1900 = 3880 ريال
المفروض تستلم منهم ما يقارب 3880 ريال

بيض الله وجهك و ما قصرت
الله يجزاك خير

الله يوفقك يالغالي