بما اني فاضي وكذا جت براسي فكره مشروع
الحين انا ما عمري شفت انديه رياضيه نسائيه بالسعوديه , ممكن تكون موجوده في بعض المناطق بس انا ما شفت , ما علينا , الدولة ما قصرت جزاها الله خير سوت اماكن مخصصه للمشي لكنها عامه لذلك صعب الحرمه تاخذ راحتها , فكرة مشروعي هي عمل نادي رياضي مخصص للحريم فقط , المدربات نساء والمتدربات نساء الا انا متاح لي الدخول لاني صاحب الفكره هههههههههه امزح المهم هالنادي راح يكون اشبه بالمجمع التجاري يعني يكون فيه محلات للتبضع وحمامات بكل انواعها ومدربات في مجال الاسره يعني اللي مقبله على الزواج تجي تتمرن ومنها تدفع رسوم وتسمع لنصايح المدربه والحامل كذالك راح نخصص لها مدربه في هالمجال اقصد مدربه اسريه , واللي عندها ولد معاق وتجهل كيفية التعامل معه تجي لنادينا ونسنعها هي وولدها هههههه يعني بالعربي راح تطلع المتدربه مروقه وفي جعبتها الكثير من النصائح , كذلك ما يفوتني توفير كوفي ومشتقاته ههههه
فكره تحتاج راس مال قوي والاهم من ذلك هل ستصمد ضد السنه بعض الناس اللي بيتهمون صاحبها بالعلمانيه والفكر التغريبي ومدري ايش هههههه
بالله مو فكره طيبه ؟

اضخم المشاريع بدأت بأفكار بسيطة

مجرد ماتخيلت الفكرة تخيلت ملايين قدامي
ههههه
عموما الله يوفقك بهالفكره وأعجبتني صراحه
وعقبال مانشوف هالفكرة مطبقها بأرض الواقع وناجحه يارب

احتاج الدعم والثقه فقط
شكرا لك

مشروع جميل

بالتوفيق لك

المشروع نسائي ولازم تملكه حرمه
يعني ماني مستوعبه انك تملك المشروع وتجيب مدربات ومديره ومن هالكلام صعبه
الا اذا بترضى يتواصلن معك عن طريق اللواتس افضلك وافضلهن من الجوال مباشرة
والله يوفقك ويرزقك الرزق الواسع امين

الموضوع مو في الفلوس ولا في الافكار الموضوع في ترخيص النادي وتعقيدات البلديه ووزارة العمل

والله يا زرقا مستحيل اكون انا مدير على مجموعه من النساء لان ما يصير , انا حطيت في بالي امر الا وهو صعوبة تنفيذي لهذي الفكره لذلك عرضتها لكم لعل شخص ينفذها ويدعيلي لو نجح ويوظفني بالمره كمستشار ههههههههههههههههه وفعلا يا جنرالز مستحيل يتنفذ اي مشروع الا بعد ما يمر بتعقيدات لكن الحكومه ابخص

في بالي هالمشروع لكن يحتاج مبلغ ضخم جداً ومثل ماتفضل الاخ تعقيدات البلديه
دخلوني بوزارة الصحة والدفاع ما ادري الانقاذ لان من ضمن التمارين السباحة ويوجد مسبح خخخخخ
تعقيدات كثيرة وتركته

ابدأ خطوة خطوة
تقدر تستأجر صالة تدريب رياضية في مشغل نسائي
وهذا فعليا موجود في بعض المشاغل لكن ما أعرف عن طريقة التراخيص