السلام عليكم

اول شي شوفوا موضوعي السابق على الرابط التالي

https://www.btalah.com/t577706.html

واحب اشكر كل اللي تواصلوا معي عن طريق الردود على الموضوع والرسائل الخاصة واللي كلموني على الجوال واللي ارسلوا رسائل اس ام اس واللي راسلوني واتساب . وفيه أشخاص فعلا كانوا مميزين واعطوني افكار حلوة وتواصلوا معي بكل الوسائل احب اشكرهم من القلب .

اما الجديد في الموضوع هو ان الفكرة سويتها وخلصت السجل التجاري والختم والاوراق الرسمية وخلصت من السكربت وخلصت من الاستضافة والدومين وخلصت من الناقل ( الشحن ) وتواصلوا معي تجار وتاجرات بيدخلون السوق ببضاعتهم . باقي الحين بس ترتيب اسماء البضائع وباقي شهادة الامان ssl وباقي التوثيق السعودي بعد الرابط ( sa ).

مواصفات السوق
1- البيع مجاني بدون رسوم .
2- البيع لجميع البضائع الرقمية والعينية .
3- خيارات الدفع للتاجر ( 1-باي بال 2- الدفع عند التسليم 3- حوالة بنكية مع نموذج مثبت لكل تاجر به بيانات التحويل كاملة ) يعني يختار اللي يناسبة ولو يبي الثلاث خيارات كلهم .
4- الموقع يوجد به فقط 5 بنرات دعائية 3 بخليهم للايجار و2 دعم للتجار الصغار او المتعثرين بالتجارة .
5- الموقع يدعم الدخول عن طريق الفيسبوك وتويتر وانستقرام ويدعم الاعجاب ونشر الروابط .
6- الموقع يعطي التاجر خيارات لعرض بضاعته بمجمل 5 صور وفيديو واحد للبضاعة .
7- يوجد تقييم للتجار والمشترين ويوجد خانة للتعليقات ويوجد ايضا خانة خاصة بين التاجر والمشتري للتفاوض على السعر او الكميات او طريقة الدفع او الشحن .
8- شركة الشحن شركة واحدة تم التفاوض معها على سعر منخفض والعقد ليس حصري يعني يحق لأي تاجر الشحن بأي شركة او وسيلة يختار .
9- نظرا لأن الباي بال مفتوح للجميع فهو مايدعم الريال السعودي ولكنة يدعم عملات من ضمنها الدولار ولان الموقع يقبل تعدد العملات وتحويلها لعملة الشخص حسب اختياره فلذلك اضطريت اني اخلي الدولار هو عملة البيع للتاجر مع تثبيت سعره على 3.75 والمشتري لايظهر له الا الريال السعودي بالموقع ولوجود دول الخليج من ضمن السوق فكل شخص منهم تطلع له عملة بلده طبعا دول الخليج كل واحد يبيع بدولته الا اللي له القدرة على تسويق وشحن بضاعته لدول اخرى . ايضا راح يكون في الموقع صورة لقيمة جميع العملات بالدولار لمساعدة بعض التجار اللي مايعرفون كيف يحسبون الدولا مع ان اغلب التجار شارب الدولار شرب .
10- الموقع فوق ماهو موقع تسويق هو موقع تواصل اجتماعي يحتوي على فلو وانفلو واعجاب بالضاعة واعجاب بالمتاجر ويحتوي على محادثة مستقلة بنفس الموقع ويحتوي على مدونة بنفس الموقع .
11- يوجد محاسب + مبرمج + 2 دعم وتسويق + مدير السوق . وان شاء الله اذا توسع السوق ومشى حالة بيزود طاقم العمل وللمعلومية نصهم يعمل عن بعد وبعقود رسمية ويباشرون العمل ب7 شوال . طبعا مع امكانية فسخ العقد من الطرفين .


راح يكون استقبال التجار والتاجرات من 7 شوال ولمدة اسبوع ثم بعده تبدأ خطة شهر الموقع واستقطاب المشترين .


عاد اللي عنده ملاحظات واراء ومقترحات لايبخل علي تراني تنورت بمقترحاتكم الاولى واحتاج الثانية أكثر من الاولى . يسدح رده هنا او على الخاص او على الجوال (0530383033 ) مكالمة او sms او واتساب .

واللي عنده معارضة او ملاحظات قوية يحاول يجيبها تدريجيا لايجيبها دفعة وحدة ترى قلبي معورني ودافع دم قلبي على المشروع واقسم بالله اني افكر بالنجاح وفتح المجال اكثر من الكسب المالي .

انتظركم ياجعلي ماخلى منكم

الله يوفقكم ويسهل امركم امين

[align=center]بالتوفيق[/align]

شوف اذ با تعتمد مشروعك على افكار الناس مو كويس موقع تسوق بالفيديو والصور الموقع ذا شغال حاليا

اسمه سوق تيوب وهو مخصص للبيع والشراء بالفيديو والصور وحاليا تحت التجربه


وسبق صاحب الفكره انه قدم فكرة المشروع هنا في بطاله


www.****tube.com



وهو الموقع والوحيد والاول في الشرق الاوسط سبق بتقديم خدمة الفيديو لتسويق

وتعتبر فكرة الموقع : سوق تيوب

ما شاء الله عليك الله يبارك لك

فيه نقطة يفترض الانتباه لها وهو تقييم التاجر وسلعته يفترض ألا تتاح إلا لمن اشترى منه فقط حتى لا يظلم التاجر بآراء الفوضوين وحتى المنافسين

[align=center]
الله يوفقك .. مشروع رائع وجهود اروع ما شاء الله .. اشدد حرصي على حفظ البيانات بأفضل طريقة واخذ احتياطي على الديتابيس يوميا بشكل منفصل وحفظه ستحتاجه حتما لا قدر الله لي ظرف حتى تقوم بارجاع كل المعلومات إلي أخر يوم تمت فيه عملية الـ Backup .

الشيء الثاني هي تأمين وسيلة الاتصال بين العميل والسيرفر او قناة الاتصال عن طريق شهادات SSL تكون موثوقة ومن جهة اخرى تكون من شركة مشهورة . حاول تشتري الشهادات لفترات طويلة مثلا ثلاث او خمس سنين .

لو قدرت تخلي موقعك تحت sa راح تكون نقطة قوة . مثلا www.btalahsoog.com.sa حتى مستقبلا ممكن تحجز نطاقات اخرى مثلا للبحرين www.btalahsoog.com.bh وللامارات www.btalahsoog.ae الخ

كل التفاصيل اللي ذكرتها رائعة جدا وتعبر عن خصوبة فكرك وانك حقا اشتغلت صح ومن القلب . اسأل الله لك التوفيق .
[/align]

السلام عليكم

ما شاء الله تبارك الله ، شغل منظم وراقي ، المهم الموقع لازم يكون سهل وبسيط ،

ابتعد عن التعقيدات ، لو الموقع معقد راح تكون عندك نسبة pounce rate

اي معدل الخروج من الموقع بسرعة عالية جدا ،،

الزبون يحتاج عشر ثوان ليستمر في الموقع او يخرج ، لو شاف فيه تعقيد سيخرج مباشرة.

انا اشتغل الان على موقع تجاري الكتروني ،

سؤالي الله يوفقك : ماهو نوع النشاط الذي وضعته في السجل وهل واجهت تعقيدات ؟ وما هو المطلوب