السلام عليكم ورحمة الله وبركاته..

قدمت على شركة معادن تدرج الثانوي قدمت كذا بس تضييع وقت لاني كنت حاس انهم ماراح يكلموني.. لاني صار لي حول الخمس سنوات مخلص ثانويه درست تحضيري في جامعه وعديتها بس بعدها سحبت.. والحين متكي في البيت

الزبده اتصلو علي وقالو اختباري بعد العيد.. انجليزي و ماث.. وانا الحمد لله ممتاز جدا في الاثنين.

وش رايكم في الشركه ذي؟؟؟ يقولون انها تصف مع ارامكو وسابك من قوتها وسمعتها.. هل هذا صحيح.؟؟

+ المعلومات الي عندي انه الدراسه سنه و4 اشهر والراتب 3000.. في كلية الجبيل..
+ بعد التخرج يتم التعيين على المرتبه السابعه او الثامنه على حسب الدرجات في الدراسه..
الاساسي في السابعه 5700 والثامنه حول ال6500..
وعندها بدل سكن وبدل مواصلات وبدل شفت و علاوه سنويه من راتبين الى 4 على حسب التقييم السنوي...

شكلي طولت بالهذره ههههه... المهم وش رايكم في الشركه ذي ؟؟ ولو تخير بين الدراسه بالخارج او العمل في معادن وش تختارون؟؟ لاني بصراحه عمري شوي وادخل الـ23 واحس تأخر الوقت على الدراسه في الخارج..

من الاخر هل شركة معاادن قويه مثل مانسمع وتعز موظفينها ولا ؟؟؟

تحياتي لكم

وعليكم السلام ورحمه الله وبركاته
والله ياخوي الي اسمعه شركة جدا ممتازة ورواتبها زينه
لكن حبيت اسئلك هل فيه تدرج للجامعيين لاني حاولت اقدم لكن ماعرفت ياليت اذا عندك معلومه تفيدني
وبالتوفيق يارب لنا ولك ....

الشركه سمعت ممتاز الله يوفقك

اتوقع فيه تدرج للجامعيين ودراستهم سنتين.. ماني متأكد..

تحياتي لك.. وبالتوفيق

كيف دراسه الثانوي سنه واربع شهور والجامعي سنتين ماتوقع
وبعدين كيف طريقه التقديم بس اسوي السيرة الذاتيه فقط ..

يعطيك الف عافيه الحمدلله قدمت والله يكتب الي فيه الخبر ...