كل عام وأنتم بألف خير وصحة وسلامة
وينعاد عليكم وأنتم في أطيب حال وأرغد عيش ويكفيكم الحاجة
فقط لـــ وحده سبحانه الرازق الكريم المعطي


سؤالي لو توظفت وسجلوني بالتأمينات ينقطع عني الضمان ؟؟


طيب لو راتبي أقل من 3000 ريال
هل ينقطع الضمان ؟؟


لو توظفت وقدمت استقالتي فمتى يرجع االضمان ينصرف لي من جديد ؟؟

تخيلي انا قدمت ع الضمان وتم تشخيص حالتي بأني غير قادر على العمل نهائيا وقالوا بعد اسبوعين بنبدا نصرف لك
قبل لا تكتمل الاسبوعين توظفت هههههههههههه اما عن سؤال فإيه تنقطع وسؤالك الثاني مدري والله

بمجرد دخول اسمك بالتامينات

وحصولك على وظيفة تستبعدين من الضمان حتى لو الراتب اقل من ٣٠٠٠

والرجوع له تقديم ومعاملات

وبالتوفيق

صح كلامه ما عندك ناس تجاوب جواب نهائي واحد يقول ينقطع وواحد يقول لا

ينقطع ولا ما ينقط نبي نعرف وابي احد يجاوني جواب قاطع مو يمكن وما ادري وسمعت

الاحتمالات هذي ما ابيها حدن يعلمن الله يخليكم

طيب الله يسعدك ودي اعرف في حالات ما يتنقطع عنهم ولا كل الحالات تنقطع هم يقلون الحد المانع 3 الاف

صح طيب يعني لو اقل من 3 ما ينقطع ولو كانت الوظيفه اهليه ولا حكومي تفرق ولا لا ولا كلها سوا واسفه للزعاج

شوفي سيدتي
الضمان لو تتوظف بريال واحد خلاص اسمك موظف ولايمكن انه يتم قبولك بالضمان هذا عند التقديم
واذا توظفت وأنت من مستفيدي الضمان ودخول اسمك بالتأمينات او بالقطاع الحكومي رأسا يتم استبعادك من الضمان هذا طبعا نظاما لكن اذا لم يكتشفوك ببحثهم حتبقي تاخذي المعاش واذا جيتي تجددي البطاقه او تطلبي المساعده عندها يتم اكتشافك اذا سواء قطاع خاص او حكومي ماتفرق
انتي قلتي 3000 الحد المانع هذي خاصه بالمساعده المقطوعه الضمان غير والمساعده غير هناك حد مانع للضمان وشروط وهناك حد مانع للمساعده وشروط
ربي يسعدك

ألف شكرا على التوضيح اخواتي و النقاش
الله يسعدكم ويرزقكم كل الخير

الله يسعدك اخوي المنتصر وربي ما يحرمك الاجر بس ليش يحرمون الواحد الضمان لو توظف
يعني من كثر الراتب يعني ولا اهلي بعد لو كان حكومي كان ممكن بس ربي يسهل يارب