..

السلام عليكم يالرربع وكل عام وانتم بخير..وعساكم تعودونه بصحّة وسلامه..

للتذكير : موقع وزارة الحرس الوطني بتبدا تسجيلها لدورات الحرس الوطني بالقطاع الشرقي
لحملة شهادة الثانوي برتبة جندي,وجندي اول.. "شيّك على موقعهم"
الله يوفق لكل اللي بيسجل وان شاء الله نتلاقى هناك..
..
اول شي يارب بما ان التسجيل بالدورة قرب..
ف حبيت اسألكم بكم سؤال..وياليت اللي يجاوب ,يجاوب بذمة وضمير

الأول : الدوره وين راح تكون؟ وكم مدتها ؟
الثاني : بعد الدوره اغلب التعيين وين راح يكون؟ وكم اخدم سنة عشان انقل للتعين اللي ابيه,
الثالث : منطقة القصيم فيها حرس وطني ؟ اللي سمعته فيه بس وين بالظبط ؟
الرابع : التقديم راح يكون فيه رتبة جندي . جندي اول ؟ سؤالي هنا اتوقع ان الجندي شهادة ثانوي حاف؟ طيب جندي اول لازم ثانوي وشهادة دوره ؟
الخامس : كم الرواتب ؟ والكلام ينطبق على الجندي ,والجندي الأول وياليت احد يجيب لنا بالتفصيل بدون بدلات "الراتب الأساسي" ومع البدلات ..
السادس : وش افضل تخصص ب الحرس الوطني بحيث الراحه الدوام يكون اسهل ؟
السابغ : وش ابعد منطقة ل عيّنوك ؟
الثامن : عطن رايك بالحرس الوطني بشكل عام ومن جميع التخصصات اللي فيه..
التاسع : وانا طالب ف الدورة كم يصرف لي راتب الشهري؟


.. ومضه / مٌهم الكلام اللي بقوله الحين .. ما أعين فئه خاصه والجميع على راسي

سمعت من ناس كثير أن اللي ب الحرس الوطني والأعلى منك رتبة : يذلّك ب"العُنصرية" وصدقوني كل القبايل على راسي واحترمهم وبدون استثنا ..
فهل صحيح هالكلام..والعنصرية عندهم هوا ؟
والكلام موجة للظباط وللفرد اساس ..

عليكم السلام ورحمة الله وبركاته وانت بخير وصحة وسلامة
راح اجاوب علي بعض الاسئلة اللي اعرفها
- دورة القطاع الشرقي راح تكون اما في الدمام او الاحساء ومدة الدورة 4 شهور
- التعيين راح يكون في المنطقة الشرقية ( الدمام - الاحساء )
- النقل اخوي صعب يبي لك تجلس بالمنطقة حدود سنة تقريبا اذا ما صار اكثر بعدين تشوف لك دقيش ينقل محلك
- اللي بالقصيم كتيبة تابعة للحرس الوطني في المليداء غرب مدينة بريدة
- الرتب جندي للثانوي و جندي اول للي عنده دورة حاسب اكثر من ٩ شهور وللمعلومية اذا عندك واسطه تاخذ جندي اول بسهوله بدون دورات وغير كذا لو فيه ارقام شواغر كثير ممكن يعطون عدد معين من اصحاب الثانوي جندي اول
- شوف حبيبي الجندي الراتب الاساسي بدون بدلات 3430 علي اول مربوط اما الجندي اول الراتب الاساسي
3589 علي اول مربوط

-احلى تخصص وبالترتيب
[ استخبارات الحرس الوطني , مكـآفحة المخدرات للحرس الوطني , الشغب , كـآتب , المشـآه , الشرطه العسكرية ]
طبعا فيه تخصصات غير اللي ذكرتها بس انا جبتلك الافضل والافضل بالرواتب
واذا تبي الرآحه وانت رآعي قومات من النوم بدري وتحب الدوام الصباحي انصحك بـ الكـآتب وراتبك رآح يكون تقريبا 6000 مع صنف الحاسب بدون صنف الحاسب بيكون 5500 او أقل
او اذا تبي الرآتب الاعلى في الحرس الوطني بتستلم رآتب 6600 اول ماتتعين بس بيكون دوامك يوم بيومين وهذا تخصص المشآه
والشرطه العسكرية ماعندي علم اكيد عن راتبها بس تقريبا 6000 او اكثر شوي ودوامها تستلم 6 ساعات وتسلم 18ساعه اذا كنت على البوابات واذا كنت في اداره تداوم مع خلق الله وترجع معهم والجمعه والسبت معك
وباقي التخصصات على حسب المكان او الموقع اللي يعينونك فيه الاداره

- مناطق التعيين للحرس معروفه المنطقة الشرقية والمنطقة الوسطئ والمنطقة الغربية المناطق لا باس بها
- بالدورة يصرف لك مكافاه حدود 800 - 900 ريال

اتمني اني اجبت عن استفساراتك والله يوفقك ويسهل امرك

اخوي ارواح هائمه ماقصر كفى ووفى ..

انا من القصيم ي خوي والحرس الوطني ماانصحك فيه الا اذا طولك اقل من 167
اما اذا طولك فوق 175 توجه للحرس الملكي ..
مشكلة الحرس الوطني رواتبهم واماكن تعينهم .. لو هي على التعيين ماهي مشكله لاكن يكون فيه راتب يعوض البعد الا اذا كنت حابه وترغبه استخر والله يوفقك ويسهل امورك

اخوي ارواح,ربي يوفقك يعطيك الف عافيه..
بالنسبة للتعين ماهمني,دامها سنه وطلب نقل..
بس بسألك غن اول مربوط اللي قلته من غير بدلات؟
وياليت تقولي مغ البدلات كم يطلع الراتب..
وبخصوص الدراسه ال 4 شهور
هل هي مقسمه,يعني فيها دراسه ومشاة وكذا ؟
ولا بس مشاة..وذا فيها دراسه وشهي المواد وهل فيها اختبارات..اخر السنه قبل التخرج؟

السلآم عليكم ..اخواني عند استفسار واتمنئ احد يرد علي ..
انا دخلت الحرس الوطني وصارلي شهرين بالدوره والحين بنبدا بالشهر الثالث وابــي اسحب ملفي لااسباب خااصهه وابي احد يشرح لــي وش الاجراءت اللي اسويها وهل افصل غياب او اروح لهم لازم .. تكفون ساعدوني ودلوني وش اسوي ..
وجزاكم الله خيــر