السلام عليكم ورحمة الله

انا خريجة تخصص انجليزي من سنتين ولايعة كبدي من المدارس الاهلية و ودي اقدم عالجنوب من سنين واحتياجنا هناك ولاعاد فيني صبر انتظر اكثر
بس مشكلتي ان مامعي محرم ومفكرة اسكن مع معلمات بس كيف اقنع اهلي..ساعدوني وش اسوي ؟

عطوني تجاربكم..

لاتضييعن الفرصة عليك طالما انتي بنت حاول بالأغرات راح اسوي لك يابوي اذا توظفت كذا وكذا وانتي ياامي أخصص لك شهريا قولي زميلاتي كلهم توظف بعيد وسكن معلمات خاص فرصه يمكن بعد كم سنه مااقدر اقدم وسنه وان شاءالله ناقله حاولي واذا رفض قدمي واذا جات حطيتهم في الامر الواقع كلنا متشتتين
شوفي انا متزوجه وأطفال ومافي محرم ومافي شغاله وبقدم والله يفرجها

انا اقولك لا تطلعين عن شور اهلك

صدقيني الغربة مو سهله ،، خصوصا اذا ما معك احد و اهلك اصلا مو راضين بغربتك ،، بتتعبين نفسيا

هذا غير انك مو اكيد بتلقين سكن معلمات ، و لا تعرفين وين بتتعينين بالظبط

جربي تصبرين سنة على الاقل ، يمكن تتغير الظروف ، يستجد شيء ما تتوقعينه

و مو لازم تتوظفين في مدرسة خاصة ، الانجليزي مطلوب في كل مكان في القطاع الخاص حتى البنوك ،، فلا تحصرين نفسك بالتعليم فقط

ياقلبي عليكي الله يوفقك ويكتب لكي الخير ويسر لكي أمرك شوفي حبيبتي أول شي إقنعي أمك قولي لها الوضع كل مالة في تعقيد ولاتحرموني من حلم عمري ومن الكلام الحلو وصدقيني إذا أمك إقتنعت كل شي يمشي تخيلي أنا بقدم على الجنوب ومعاي أطفال وعندي طفلي دايم عنده مراجعات في الرياض حاولت أقنع زوجي وبالقوة رضي الله يعيننا ونتوكل على الله وأهم شي الأستخارة قبل هذا كله

استخيري وكلي امرك لله ومايخيب رجاه من توكل ع الله

استخيري وقدمي وحطيهم بالامر الواقع ولاجات ان شاءالله مع الفرحة بيرضون

اا سبعة سنوات ومااقدم الا في مدينتي ولاتجي وبالاخير قدمت كذا ادارة ومنطقة بس اعطيتهم خبر وجاتني

في الجنوب وكان الوالد الله يرحمه رافض رفضا باتا اني اخرج من مدينتي بس الحمدلله يوم جات تفاهمت معاه

وسايسته واقنعته الوالدة الله يحفظها واخيرا قال خلاص روحي ورحت سكنت مع معلمات كمان لان برضو ماكان

عدي احد محرم يروح معايا والحمدلله على كل حال الغربة مرة ومتعبة بس مع الوقت راح يهون كل شيء

ويتسهل امورك وادعي الله واستخيري انها تتسهل ويسخرلك بنات الحلال في الغربة

الله يسهل امرك

والله انا مثلك محتاره ومدري ايش اسوي
المشكله العيال مدري اخذهم ولا اخليهم ولاايش اسوي
اقدم بالجنوب ولاانتظر والله ضايعه خايفه مااقدم وتروح علي الفرصه وخايفه اقدم واندم

انا بنصحك اختي قبل كل شي تستخيري

لكن الغربه صعبه خصوصا للحرمه ماهي مثل الرجال يتحمل

وثاني شي اذ البنت بدون محرم لحاله شي صعب كيف تدبر امورها

وثالث شي اذ تم تعيينك ورحتي للجنوب اختاري زميلات صالحات

والله يوفقك

سجلي واذا طلع اسمك اقنعيهم