السلام عليكم ورحمة الله وبركاته
ياناس عندي مبلغ بسيط جداً الا وهو من 20 الى 25 ألف هل اقدر افتح مشروع ولو بسيط
ويكون دخله جيد نوعاً ما , بالله افيدوني الله يبارك فيكم

ما ادري ليش نحب نكبر المواضيع

عشرين الف ومشروع

اجل وش يقول اللي يسوي مصنع بعشرين مليون

ما علينا

العشرين الف الله يوفقك ويرزقك ما تدفع لك اجار محل وتجهيزه

طيب ولحل ؟

الحل ولا واحد في المنتدى يقدر يحدد لك وش تشتغل فيه...

لان ميولك واهتمامك ورغبتك وطموحك وهدفك ما يعرفها احد غيرك

انت اخبر واحد بنفسك وتقدر تحدد وش تشتغل فيه

الله يوفقك

ما عليك من اللي فوقي ههه

كل شي ممكن اذا كان مخك نظيف حتى لو ما معك ريال

المهم مهما كان المبلغ اللي معك لا تخش فيه كله وفر ثلث على جنب كانه مو معك والباقي يكون للمشروع

خلنا نقول تقريبا ١٣ الف شوف مشروع بسيط اجار وافهم مداخلة ومخارجة وشارك مستثمر بالقيمة اللي ممكن تضيفها للمشروع صدقني الفلوس مو اكبر شي اذا عندك قيمة ثانية واقصد بقيمة (خبرة-وقت-معارف- اي شي تضيفة للطاولة)

والله يوفقك ولا تنسوني من دعواتكم

أخوي بما أن رأس المال قصير !
أذا انت عاطل ما عندك وظيفة ..
بأمكانك تشتري سيارة من نوع هونداي النترا أو سوناتا مستعملة ،، بحدود 18 الف الى 23 الف حسب النظافة والممشى من موديل 2006 الى 2009 بتلاقي السعر المناسب لاكن قبل الشراء تأكد بأن المكينة تكون قوتها فوق 2000 سي سي(2.0) لأن هذا شرط من وزارة النقل الافضلية تدخل موقعهم وتشوف شروطهم *
تحولها الى تأكسي (أجرة) وتبدأ تشغل عليها بنفسك،
طبعا الدخل اليومي حيكون من 100 الى 500 على حسب الوقت الي بتشتغل فية .,
ولله يرزقك وأي استفسار كلمني على الخاص .

اشتري فيه سبايك ذهب عيار 24 سعره هالايام منخفضض وكلها فتره وبيتطلع سعره للعالي وبتبيعه باضعاف الاضعاف بس ممكن تجلس سنه حتى يرتفع انت وحظك بس مضمووون وفلوسك ما بتضيع
غير كذا للاسف ما تقدر تسوي شي بي 20 الف

ابشر بالخير و20 الف فيها بركة ان شاء الله تعالى. ..اذا معك سيارة انصحك تأخذ خضار من الجملة وتوزع على المحلات وقيمة البضاعة حسب رغبتك من الفين الى عشرة

واذا ماعندك سيارة اشتغل فيها ب حراج الأجهزة بمنفوحة اذا انت بالرياض او بمدينتك اللي انت فيها وراح تلقى خير بحول الله في البيع والشراء بالأجهزة المستعملة

عندك حراج الأجهزة المنزلية. ..وحراج اجهزة الجوال والكمبيوتر واتوقع شغل الجوالات افضل وعلى فكرة تقدر تبيع وتشتري بدون ايجار محل ولا مصاريف ...أسأل الله لنا ولكم التوفيق وخيري الدنيا والآخرة. ..

بما انو معاك 20 فقط

يعتبر راس مال وبالعكس تقدر تسوي فيه اشياء كثيييره

بقولك كم شغله وانت واختيارك
طبعا مثل م قال اخوي مصعب تاكسي مرااااا مربح
وفلوسك راح تجيب لك سياره توفي بالغرض وانصحك بما انو هالمشرو ع ببالي سألت كثير
خذ تكسي جاهزه عشان م تتعب بين مرور ومدري ايش
الشي الثاني التجااااره من الصين جدااا جداااا مربحه
تعاملت قبل فتره مع شخص كان يجيب بضاعه من الصين م تكلفه 8 الاف ويربح عليها بحدوه 25_30 الف
والله م اقول هالكلام من راسي
الشي الثاني عندك المشاغل تقدر تفتح فيها كوشكات وطبعا فكر بشي غريب
بصراحه فكره الطباعه ع اكواب وكفرات الجوال شي جديد يكون بمشغل بس الاهم يكون مشغل معروف وعليه اقبال

والاله م تكلفه مع معداتها 5 الاف


اممم بس والله يوفقك ويرزقك الرزق الحلال

الله يكتب لك التوفيق