بسم الله الرحمن الرحيم
السلام عليكم ورحمة الله وبركاته وبعد
اتمنى لكم اطيب الاوقات
ياجماعة انا عندي فكرة مشروع مكتب خدمة الكترونيه (شبيهة بفكرة خدمات طالب)
تصوير + طباعة + تغليف + ناسخ ( وعندي القدرة الكاملة للغة العربية والانجليزية ولله الحمد)
وابي اضيف عليها اشياء الكترونيه تسديد مخالفات، رسوم خدمه، تسجيل بجامعه، تسجيل بوظيفة، بحافز، تحديث لحافز بمبلغ رمزي شهري برنامج اسكان اي شي متعلق بخدمة الكترونية بحاول اضيفه غير نماذج الجهات الحكومية
عملية شراء منتج من الخارج، مع معرفتي الكاملة بتركيب البرامج على الاجهزه الحديثة وعمل فورمات
طبعا يكون بديكور حلو ومختلف عن المكاتب المشابهة توفير اماكن للجلوس وتقديم خدمات خاصه للعملاء ( قهوة-شاي-ماء-تنصحون احط تلفزيون وجرايد بحكم وقت الانتظار)
فيه امكانية اني اخلي فيه خدمة توصيل للمنازل والا ماتنصحون فيها
الله لا يهينكم ابي ارائكم واقتراحاتكم
كرخصة للمحل من وين استخراجها لانه فيه شي عن طريق وزارة الثقافة والاعلام بحكم انه تصوير وطباعة وتغليف (وبكم التكلفة) وفيها تعقيدات وطلبات والا كل الامور سهالات
وهل باستطاعتي اضيف خدمات الكترونية كالتسديد وغيرها والا يتعارض مع الموضوع (خويكم مره عليمي بهالامور)
تقريبا رأس المال لافتتاح مثل هالمشروع المتوفر المقترح 30 الف وبإمكاني زيادة المبلغ
بخصوص الاجهزه وخاصة الات التصوير لها انواع وممكن تكون وحدة شاملة واذا كان فيه إيجار شهري بحكم الصيانه والحبر والاستبدال وبكم تقريبا الايجار الشهري ولو اشريها بكم سعرها ووش احسن لي ايجار او شراء
كم عامل يطلع لي وكبداية ممكن اشغله انا وواحد معي الين يجي الباش مهندس او تقترحون انه يكون موجود لو واحد على الاقل
ولاتبخلون علينا بالنصائح
شاكر ومقدر مروركم