[align=right]
السلام عليكم
اخواني وش رايكم بمشروع مقهى عربي قهوة وشاهي
ياليت يفيدني احد بالتكلفه ونسبة الربح وكم يكلف المحل
اللي عنده خبر يفيدني
وهل 150 الف ريال تكفي للمحل خصوصا المحل راح يكون بالرياض

[/align]

متاااااااااااااااااااااااااابع

شوف لك محل جاهز للتقبيل اوفر لك

فيه اكثر من محل معروض بالمواقع باقل من المبلغ اللي معك

بالتوفيق لك

بسم الله الرحمن الرحيم وبعد

اخوي معروفه المشاريع مثل هذا تتميز بربح بدون خساره كاملة في البيع

مقلا كوب الكافي تستخدم 3 ريال تقريبآ للكوب ويدفع المشتري من 10 - 15 - 20 ريآل

المطلوب ليكون المشروع ناجع

اولا الموقع وهو اهم مافي المشروع
ثانينا توفر اغلب ما يحتآجة الشخص
من قهوه وشاهي وكافي وموكا
ثالثا توفر دورات مياه وهي مهم جدا لان لو اجي وما الاقي دورت مياه مستحيل ارجع الا اذا كان المكان يستاهل او السعر يستاهل

توفر جلسات ارضية وكراسي

توفر تلفزيون في كل جلسة وتلفزيون كبير في جلست الكراسي

توفر انترنت واي فاي

لازم الالوان جذابه والكراسي موريحة و الجلسات لازم تخليها شعبي درجة اولا ..

واسف على الآطالة ..

سبحان الله وبحمده

نصيحة أبعد عن أي مشروع للتقبيل
لأنه لو فيه خير ماتركه الطير
وحط في بالك ان أنه ناشب بحلقه ويبي يصرفه على أي شخص

انا قدمت على رياده وقالوا المشروع بيكلفك ميتين واربعين الف

أهم نقطة راح تخلي مشروعك ينجح لانه صار كثير في الرياض هي:

التميز

كيف تتميز ؟

أبتكر أشياء جديده مثل :

- توصيل طلبات القهوه والشاهي لشقق العزابيه والاستراحات وعمل اشتراكات شهريه لهم (لو افترضنا أنك خليت أشتراك شهري بمبلغ 350 كل شهر تكون وفرت أجرة العامل وتكاليف المواد لصاحب الاشتراك )

- حلويات (شغل بيت )

- ألعاب بسيطه (كيرم - حجر )

اخي : عاطل بآمتيآز

عندي بعض النقاط المهمه لي هذا المشروع

كلنا نعرف ان هذا المشروع صار تقليدي ويحتاج تطوير او تجديد بي افكار مميزه

1- الديكور اهم شي في هذا المجال والتأثيث المميز
2- العماله مهمين جدا
3- الاسعار تكون مناسبه

والله يوفقك ويرزقك بالرزق الحلال

احيان اجر من هاجسي موال
واحيان اقول من الهم خله وعله



لاعدمتكم ياخواني