مرحبا ..

المقاولات و ما أدراك ما المقاولات .. بحر كبير و عالم ثاني في البزنس

ناس - مع كامل احترامي - معدومين الثقافة و العلم و الخبرة يدخلونه فترة ثم يستمرون فيه فالحين !!

المقاولات يشمل أمور كثيرة و كل شخص متخصص بأمر معين.

من عنده الخبرة و العلم يوجهنا كبداية وش نسوي!
ما هو نوع تجارة المقاولات الي ممكن أبدأ به برأس مال منخفض !! مثلا مليصين و مبلطين كبداية و ما شابه.

من عنده علم بالمقاولات يا ليت يفيدنا لو بمعلومة صغيرة

انا والله افيدك ياصعغق ولد نجر اما الشغيلات اللي تقول عليهابموضوعك السوريين والباكستانيين
والافغان ماخلوا لك شي منهاابد ليه لأنهم يسرون من صلاة الفجراوقبلها بشوي وين فيه بناية تبنى
بخششوا الحارس من اول مايحفرون القواعد وعطوه كروت باسماهم وارقام جوالاتهم ومداومين حولهم
دوام متى مازهم عليهم جوك يركضون من اقريب واخذوا الشغل بأردى الاسعار والياجاء مواطن وعنده
ورشة مقاولات مايقدر ينافسهم لأن عماله بالراتب وماتوفي معه ثم يهج اركد ياصعفق ادري عندك قرشين
وقامن يحكنك دور لك شغلة غير هالشغلة والا امسك مجنونك لايجيك اجن منه ماقصدي والله اني احبط
عزايمك لاوالله ولكن عن تجارب وماودي لك بالمضرة واللة يشهد ارجو اني افدتك بضمير.

لاتحطم الناس وتهبط من عزائمهم ماعليك ياااخي بالاصراروبذل الجهد نحقق مانريد حتى بوجود الباكستانيه والسوري ع قولتك

فيه موضوع لي قلت فيه اللي يبون ياكلون دراهمنا باي طريقة هم بيننا
اقل شي لو تهيْ له فرصة عمل على حساب خسارتك يعني يقول لك
سو لي المصلحة الفلانية وانا اديرها لك براتب كذا وهو يعرف ان هالمصلحة
خسرانة المهم لقى لنفسه شغل يستفيد منه ولاهمه اناوانت نربح او
نخسر عنده مثل بعضها.

يمال العافية جميعـًا ما قصرتوا بردوكم و متفهم كلامك أخوي الكريم ..

و بنتظر البقية لعل عندهم اقتراحات

بتتبهذل بالتأشيرات

وزارة العمل بتطلع براسك نخل لو انت موظف قطاع خاص لازم توظف سعودي وتنتظر شهرين الى 3 حتى يتبدل الكيان ويصبح نطاقك اخضر ثم تقدم على التأشيرات وتسدد التامينات للموظف السعودي وتعطيه راتب شهري ( او سعودة )

خلال شهرين الى 3 طالب 4 تأشيرات يعطونك 3 فقط وتبدأ البحث عن عمال

واذا عندك ناس جاهزين تنقل كفالتهم افضل

والله يعينك ويوفقك

استغفر الله العظيم

اعتقد يابونجر ان الكل يعرف الطريقة لاكن تبي لها جهد

وتبي انسان مايرده اي شيء يعني طمووووووح

وتبي صبر ماتجي في يوم وليلة

افتح المحل وخذ التأشيرات واجتهد في نوع العمالة

وبعد فترة اجمع فسوحات واعد الطلب وهكذاااااا

حتى تكون مؤسسة متكاملة خلال سنة اوسنتين

من التعب

بعدها تستطيع ان تكون مقاول وراح تبلش بالفلوس

لكن وانت جالس بالاستراحة ومع الربع ماااااتجي

تحياتي

بالتوفيق ولازم تشرب الشغله عشان تفلح وما فيه مشكلة لو خسرت مرة ومرتين بالاخير راح تنجح

السلام عليكم

مرحبا اخوي وبالتوفيق .. صراحة خبرتي شحيحة في هذا المجال بس حبيت انوه انه ما يحتاج تستقدم عمالة ... مثلا عندك بالدمام فيه بالخضرية عند محلات الحدادة والخ سكن عمال .. ياخذون باليومية ... وانت احسب لك الفوايد ...
وصراحة فيه بعضهم اعمال حرة لا مكتب مقاولة ولا شي بس الذمة موجودة وتعاملنا معاهم .. في وقت بنيان بيتنا هالفترة ...
مدري اذا كلامي صح او لا ..بس هذا اقتراح بالمختصر :
- طلع لك سجل تجاري مقاولة وهذه بسهولة تطلعها من الغرفة التجارية ومو لازم يكون لك مقر خلك free lance بمبلغ جدا زهيد لان عندي لبزنسي انا وزميلتي ايضا سجل تجاري مقاولة واعمال ديكور
- اطبع لك بطاقة اعمال لخدماتك وسو دعاية لعملك ..
- اتفق مع عمالة باليومية وخذ لك عمالة ثقة وعن تجربة ...يوميتهم ما تتعدى 200 الى 300 ريال
ومثل ما قالوا الاخوان ....
الوضع فعلا يبي له تتحدى نفسك لان السوق بالعرررربي الفصيح للاجانب