شورتي ادخل الجامعة
وتخصص الانجليزي كثيره الوظايف له

واستخير اولا

نصحية ادخل الجامعه والتخصص english مجاله واسع ، واهم شي الدراسة تكون انتظام .

وابعد عن العسكرية ووجع الراس

بالاول وبالاخير استخير الله ،،

اذا انت ممتاز بالانجليزي توكل على الله وادخل الجامعه محسوبك خريج جامعه المجمعه قسم اللغه الانجليزيه . وبيني وبينك الانجليزي عندك خيارين جوهريين التعليم وكليات العسكريه .

اذا أمورك المادية طيب ولله الحمد وماتعيل أسرة
أدخل الجامعة وأنت مغمض وبعدها لتعليم أو الكلية الامنية أو تقدم على المباحث على طول وتأخذ رقيب أو وكيل رقيب ...
وفي كل الحلات هذي أحسن ماديا من رتبة جندي

انا معي بكالوريوس انجليزي ولاني محصل وظيفة والتعليم يصعب سنة عن سنة وقدمت على الامنية حاطيني احتياط واقبلوني مكافحة المخدرات نهائي على رتبة وكيل رقيب وموعدي 10/10 وإلى الان في حيرة وعسى الله يكتب لك الخيار الأمثل

اخويا متى كان تاريخ التقديم حقك ؟

ومتى تاريخ التقديم الجاي

رغبتك بالجامعة محد يقيسها اكثر من نفسك وترى المباحث راتبها طيب و برضو مجتمعها شبه مدني يعني مو عسكرية بحته

ولا تنسى الاستخارة بالاخير

ياخوي اسمع نصيحتي وماتندم إن شاء الله

توكل على الله وادخل الجامعة في التخصص اللي ذكرته وشد حيلك وجيب معدل كويس
وللمعلومية من أمتع سنوات الحياة الدراسة في الجامعة حيث توجد فيه حرية و راحة نفسية ووناسة في محيط الجامعة بعكس الدراسة في التعليم العام
ولا توجد ضغوط عمل ولا غيرها وراح تطور كثير من جميع النواحي وترى كلها 4 سنوات تمضي سريعا

بعكس لو توظفت بشهادة الثانوية راح تحس بنقص إذا أنت طموح لأن كل زملائك اللي تخرجوا معاك في الثانوية معهم شهادات عالية إلا أنت
والتعليم عن بعد مستحيل يكون مثل الإنتظام والراتب مايكون عالي مقابل ماتحمل من ضغوط العمل

وانت توه عمرك صغير وش معجلك على الوظيفة وماشاء الله ماعندك التزامات مالية

هذي نصيحتي لك مادام استشرتنا واوصيك بالاستخارة
وبلغنا بقرارك الأخير إذا قررت

شوف وانا خوك

الجامعه ’’ على حسب عمرك والرغبه
العمر

اذعمرك صغير حلو خش الجامعه يعني بالكثير حول 23 او 24

اما اذ ازيد من كذا انصحك لا دور لك وظيفة لن بصراحه في صالحك ’’ اليوم أكثر خرجين الجامعات ماهم لاقين وظايف الا من كان له نصيب يعني الواحد اقل شي يقعد 4 سنه او5 الين يلاقي وظيفه تناسب لشهادته الجامعية
"كما تفضل احد الاخوه في االرد فوق "المصطبح"
بشق الأنسف ويمكن بعد حب خشوم وكلام كثير في هاذي الحاله ’’ كل سنه عطاله مراح تكون في صالحك ابد العمر يمشي تبي بيت وتبي تعرس وتبي تكون نفسك

طبعاً من ضمن ذالك اضيف العسكرية الحد الأدنا عندهم في العمر 30 بعدها مايقبلون

هذا العمر.

من ناحيت الرغبه
الجامعه ماهي زي الثانوي والمتوسطه يعني مشي حالك تختلف اختلاف كلي
تبي اراده وصبر ’’ يعني لازم يكون عندك عزيمه وتكافح وتصبر نفسك لانكن بتلاقي دكاتره يعكرو مزاجك من ظلم وتحكم والي متخرجين من الجامعات هم عارفين يمكن يوضحو لك اكثر ’’ من كلامي هذا عشان ماتخش بعدين تسحب وتروح عليك سنه كذا باطل .

وانصحك بالأأستخاره ’’ الله يوفقك ويختار لك مافيه الخير والصلاح