السلام عليكم ورحمة الله وبركاته

كل عام وانتم بخير بعد الزحمه هههههههه

ندخل بموضوعنا لاني والله فاشل بالمقدمات

انا يا اخوان لقيت لي موقع بقاله ولقيت محل للايجار الموقع جدا جدا ممتاز

مافيه جنبي محلات ابدا والبقاله بجنب جامع كبير وكمان يصلى فيه الجمعه وكثافه سكانيه

الموقع صيده على ماقالو لكن راس المال 0 الوظيفه قطاع خاص اخذ عمري ولا استفدت شي

جهات تمويل اجيب كفيل مو مشكله

سمعت ان فيه شركات تعطيك جميع البضاعه وتتحاسب معاك كل اخر شهر على اللي بعته بنسبه

عموما اعتقد انها فرصه كبدايه فقط استعين فيهم

غير كذا فيه جهات تدعم بنوك عبداللطيف جميل شي كذا

التكلفه اعتقد بتكون مابين 40 الف الى 35 الف فقط لاغير لان المحل مو مره كبيره ويكفيه عامل واحد

اخيرا

1 ـ كيف اتعاقد مع الشركات مثل ( المراعي وشركات الدجاج والبيبسي والمويه وغيرهم )
2 ـ كيف اخليهم ينززلون لي ثلاجات بالمحل
3 ـ العماله فيه عامل مصري اعرفه شغال ببقاله ومضبوط تنصحون اجيب لي عامل عن طريقه

بعض الامور ان شاء الله اناقشها اذا ربي كتب لي وسويتها

اتمنى منكم المساعده وشكرا لكم

[align=center]اولاً الله يرزقك من واسع فضله ..
لاني أفكر بنفس مشروعك استفسرت كثير عن هالامور ..

اللي عرفته أنه مبدئياً ما تقدر تنزل بضاعة بالآجل يعني ( أول مره تدفع كاش )
بالنسبة للثلاجات من اسبوع الى اسبوعين ينزلونها لك ..
واول ما تحط اللوحة يجونك مناديب الشركات ..
بالنسبة للعامل المصري أنا بصراحة ما ارتاح لهم من ناحية أمانة وطريقة تعامل مع الزبائن ..

نصائح ع السريع
- المكسب الحلال فيه بركة وإن قلّ .
- النظافة وطريقة تعامل العامل أمران مهمان .
- تابع مشروعك بنفسك ..
- وفر جميع ما يحتاجه الزبون .
- إذا لم تتميز في السعر فلا تجعله أكثر من منافسيك ..


فالك التوفيق[/align]