السلام عليكم ورحمة الله وبركاته

اخواني المواطنين الشرفاء اليكم معلومات لمن يريد يفتح محل او مؤسسه ويترزق الله في شي لازم تعرفه قبل ان تبدا

1- يجب عليك ان توظف سعودي لا يقل راتبه عن 3000 + 600 ريال للتأمينات الاجتماعيه شهريا

2- 2500 تجديد رخصة العمل

3- 650 تجديد سنه للجوازات

4- رسوم سجل تجاري 1000

5- 800 ريال غرفه تجاريه اذا كان نشاطك مقاولات

6- 1250 زكاة ودخل ايضا اذا كان نشاطك مقاولات

7- من 01/ 03 / 1435 ايقاف الخدمات لمن لا يوجد لديه بريد وطني للمؤسسه وهي 1000 ريال سنويا

8- من 200 الى 1000 ريال رسوم لوحه واستخراج رخصه محل

وطبعا كل دائره حكوميه لها طلبات واوراق تجيب الشيب لراسك وتعامل زفت وكانك جاي تشحذ طبعا اذا فكرت ان تبدا للتجاره لا ينظرون اليك انك مواطن وابن بلد تريد الاعتماد على نفسك

كل دائره حكوميه لها اسم مستخدم ورقم سري يعني مخك لازم يكون شغاااااااال لهم بس

تجي تقول ياناااس انا مواطن واعتمدت على نفسي وما عندي وظيفه يجيك رد ايماءات بالوجه طبعا كأنه يقولك مع نفسك او بطريقتك طيب خلونا نحسب كم ادفع سنويا

السعودي لحاله يكلفك السنه فوق 36000 + 4000 اقامه للعامل الواحد+ 800 غرفه تجاريه + 1250 زكاه + 1000 بريد + 300 رخصه

الزبده تقريبا فوق 45000 لا ونسيت التأمين الصحي لا ونسيت ايجار المحل يمكن يكون الفين وانت طالع

اليس هذا ياساده ياكرام تحطيم للمواطن السعودي اللي يبي يعتمد على نفسه

الى الله المشتكى واترك لكم التعليق
منقول

صارت التجارة معقدة جدا الله يسهل

اللي عنده راس مال يتوجه للمواشي والزراعه لا تحتاج سجل ولا محل ولا خرابيط

طيب والحل ؟!

والاجانب الي يقولون شغالين زي الحلاوة
شلون يتجاوزون كل هذي العقباات والمواطن لا

افتح المحل واشتغل فيه ما يطالبونك بسعودة ولا سجل اخوك وبكذا وفرت 36 ألف يعني المصاريف من مجاميعه 9 الاف فقط
واذا على كلامك كان المحلات اللي بالبلد مليانه كلها قفلة خسرانه
نصيحه لاتعقدها وترى انت من يحدد الخساره والنجاح
والله يفتح بوجهك ابواب رزقه

صح لازم الواحد يدرس مشروعه من كل النواحي عشان لايتفاجأ بمصاريف ومتطلبات مايقدر عليها ويخسر مشروعه

بس الشاطر يعرف كيف يقلل مصروفاته ومصروفات مشروعه ويقوّم مشروعة على أقل التكاليف وبإمكانياته

قلناها كثير لاتعتمدون على العمالة الاجنبية في مشاريعكم كذا توفرون كثير

الشباب والشابات من الجيل الجديد كلهم قائمين على مشاريعهم بأنفسهم ولايطلبون عمالة والحمدلله مشاريعهم ناجحه وماشيه

بعكس الجيل القديم اللي يجيب عمالة ويسلمهم حلاله بالكامل يتصرفون فيه

لو انت اشتغلت بمشروعك بتكون وفرت مصروفات راتب سعودي
ولو وظفت سعودي بتكون وفرت مصروفات الاجنبي الاضافية
اذا اخذت محل ايجارة بسيط بتوفر بدل ماتاخذ محل ايجارة عالي


اما الرسوم فهي سنوية يعني مو كل شهر وبتقدر عليها ان شاء الله .. حتى البقالات الصغيره في الاحياء الشعبية تدفع رسوم ورزقها يجيها

اخيرا بما انك تخطط تكون صاحب أعمال من الضروري تهتم بالصفات الشخصية وبناحية التعامل مع الاخرين وبناء علاقات جيدة وهذا يتطلب منك التحلي بالصبر وطولة البال وحسن التعامل وغيرها من الصفات والاخلاقيات اللي تساعدك تكون رجل اعمال ناجح


انا لاانكر تعقيدات الاجراءات وطولها وعدم توفر التسهيلات الكبيره للمشاريع الصغيره لكن هذا لايعني أنك وغيرك غير قادرين على تجاوزها . وطريق العمل الحر كمثله من الطرق ليس سهل ونجاحك أو فشلك يعتمد عليك سواء بتوفر الدعم والتسهيلات أو لا

والله يوفق الجميع.

واتمنى من اصحاب الخبرة دائما يكون بابهم مفتوح ويكونون مرشدين وناصحين للصغار والجدد في مجال الاعمال والصغار اليوم يكبرون ويرشدون اللي بعدهم ويفيدونهم بخبرتهم حتى دائرة المعروف والخير لاتنقطع

السلام عليكم
أنا يفتح مكتب تقسيط مكيفات وإلكترونيات وبطايق سوئ
وشهي المتطلبات احتمال اشتغل أنا فيه وواحد صديق.
وشهي المتطلبات ؟

طيب و هالمحلات الي ماليه البلد !! معقوله كلهم عماله و من تحت الطاولة؟!!
احسك مصعب الامور على نفسك لا اكثر

شباب التأمينات على السعودي 18% من راتبه الاساسي يعني 3000% 18 =166 ريال
وشي الست ميه ؟؟؟؟؟؟؟؟؟؟؟؟؟؟؟؟؟600؟؟؟؟؟؟؟؟؟؟؟؟؟؟؟؟؟؟
وهذا الكلام من موقع التامينات الاجتماعية
http://www.gosi.gov.sa/portal/web/guest/198
نسبة الاشتراك:
نسبة الاشتراك في فرع المعاشات 18%) ثمانية عشر في المائة من اجر الاشتراك يدفع صاحب العمل (9%) تسعة في المائة و(9% تسعة في المائة يدفعها العامل.
وفي حال تجاوز نسبة الاشتراك المذكورة التي يدفعها صاحب العمل نسبة الاشتراك المعمول بها وفقاً لنظام قانون التأمينات الاجتماعية في دول مقر العمل فإن العامل يتحمل دفع نسبةالاختلاف الناشئة في مقدار الاشتراك بين النظامين عن صاحب العمل