السلام عليكم


بدخل بالموضوع الله يجزاك خير ويسعدكم وش الافضل الجوف والحدود الشماليه ام مناطق الجنوب سراه عبيده ومحايل ونجران ورجال المع. محتاره بين هالمنطقتين طبعا انا ابتدائي وخايفه مرا من الهجر ووعوره الطريق وش الافضل من الناحيه السكنيه والمدارس والروضات ايتها اكثر روضات اهل الخبره افيدوني الله يسعدكم ماادري احط الخيارات الاولى للجنوب ام الشمال والله يرزقنا واياكم رزق حلال طيباً

الشمال افضل
اكتبيها اول الرغبات
واكتبي الاقرب ف الاقرب
الجنوب مناطق جبليه في الغالب

أنتي أيش تفضلين ؟

ال|أقرب أو الأقل طلاب ؟

الأفضل رتبي حسب الأقرب

انا اهم شي الهجر التابعه لها خايفه يحطوني بهجره بعيد عن المنطقه الاساسيه

يعني وش الافضل للي عنده خبره هجر المناطق الشماليه ام الجنوبيه ايتها اقرب وطرقها افضل الله يوفقكم

الافضل الشمال من حيث التضاريس وسهولة الوصول للقرى كل طرق الهجر والقرى معبدة ومناطق منبسطة تماما مافيه لاجبال ولا عقبات ابد والهجر قليلة وقريبه
عرعر يتبعها عدة هجر:
جديدة عرعر
ابن سعيد
البكر
العويقيلة
الكاسب
ام خنصر
المركوز
الديدب
السليمانية
كلها قريبة وعلى الخط الدولي تقريبا
الهجر التابعة لرفحاء
طلعة التمياط
ابن شريم
الهباس
الخشيبي
زهوة
الحدقة
لينا
الشعبة
وفيه محافظة طريف ماعندي خلفية وافيه عن هجرها بس الاكيد متقاربة وقليلة
بالنسبة للحظانات والروضات متوفرة بكل مدينه حكومي واهلي والاسواق والمستشفيات لله الحمد متوفرة وسكانها قبايل عنزة والرولة وشمر ونعم فيهم اهل كرم ونخوة ولا هو قصور بباقي القبايل لكن اتكلم عن سكان الشمال تحديدا

مشكوره الله يسعدك ويرزقك من حيث لا تحتسبين ياندى الامنيات

نشوف باقي اهل الخبره