السلام عليكم ورحمة الله وبركاته
فترة طويلة مافتحت موضوع بس الآن موضوع مهم فيه بنات تختار رغبات وماعندهم نية اذا ترشحوا يروحوها انتبهوا من الاختيار وانتن ماعندكم رغبة تروحوا




منقول

طيب انا ابي اعدل في الرغبات اذا جيت اسوي تعديل يكتب هل تريد الغاء التقديم مدري ايش اسوي اخاف احوس الدنيا كيف اعدل؟

اخترت المناطق الجنوبية اللي طلعت لي في القائمة بدون مااشاور اهلي نويت افرض الامر عليهم لان الفرص بدت تقل والوضع كل ماله يتعقد

ماقدرت تقدم لانها ماقدمت اعتذار للادارة الي ترشحت لها لازم تقدم اعتذار والإدارة تبلغ الخدمة المدنية انها اعتذرت ويرجع اسمها لجداره عادي

صرت اتوقع كل شي من الخدمه المدينه اذا الانتساب والي ما معهم تربوي منعهم من دخول المفاضله اجل كيف الي تقدم بعدين تبطل ما تروح يسونها لن كل شوي بقرار اهم شي التعقيد

اتوقع اللي تنسحب من الوظيفه اكيد فيه ظروف قاسيه تجبرها
بعض البنات تختار جميع الرغبات وهي ماتدري اي شيء عن الاماكن اللي ناويه تروح لها فلما تروح تباشر تلقى ناس عايشه بخيام وناس عايشه بعشه وناس عايشه ببيوت شعبيه متهالكه او طريق صعب ف تنصدم وتهرب من الوظيفه
لذلك اللي ناويه تختار اكثر من منطقه تحاول تبحث عن معلومات عن رغباتها المكانيه
انا عن نفسي سويت بحث عن رغباتي المكانيه والنتيجه استثنيت بعض المناطق واضفت بعضها

وهذا الصح اخت حظ لازم اللي بتقدم تعرف كل شئ عن المنطقه انا سالت عن منطقه سراه عبيده ناس يعرفونها زين قالت نفس القريه تمام لكن المصيبه لو في القرى التابعه لها قالت عقبات خطيره يعني لازم السؤال حتى الخنين اليوم اتكلم عن هالموضوع وبالنسبه اخت ايمان تصرفك مع احترامي لك غلط لازم تبلغي اهلك عن المناطق من بدري اولا رضا لله عزوجل ثم لهم وثانيا مافيه شئ اسمه احطهم امام الامر الواقع انتي اقنعيهم بنصيحه وان شاء الله يقتنعون ام تكتبن ولاقدر الله تعتذري ترى انتي الخسرانه وتخسري وحده كان بامكانها تحل مكانك لايؤمن احدكم حتى يحب لااخيه مايحب لنفسه فاانتي انصحك استشيري اهلك وان شاء الله يوافقون لك

تم تحرير المشاركة بواسطة الإدارة

لا تتلفظ على غيرك بألفاظ لا ترضاها على نفسك

انا من تخرجت ولي سبع سنين وانا اقدم على مناطق القصيم ، ليش لان أهلي يبون كذا !! رافضين فكرة البعد !!
أما اليوم قلت لهم بالحرف الواحد لو يعينوني بالمريخ رايحه رايحه الله لايعوق بشر !

يكفي السنين اللي راحت بدون فايده
قلت لهم لو كنت من زمان مقدمه على مناطق خارج القصيم كان الحين أنا وقتها منقوله ومتوظفه بديرتي

انا مهدت موضوعي لهم وأمي شبه اقتنعت وأخواني مو مهم رايهم
أنا اتحمل قرارات نفسي ، والله يرزقنا واياكم يارب