06-08-2014, 10:37 AM
|
 |
عضو نشيط
|
|
تاريخ التسجيل: Aug 2013
المشاركات: 144
معدل تقييم المستوى: 28
|
|
تجمع المسجلات في دبلومات جامعة الإمام 1436هـ
صباح الورد 
كيفكم ؟ ان شاء الله بخير
فتحت هذا الموضوع للطالبات اللي سجلو في الدبلوم التربوي العام في جامعة الامام
أو أي دبلوم بالجامعه عشان نستفيد من بعض ..
طبعا فتح التسجيل في دبلومات جامعة الإمام من بدآية شهر رمضان ولحد الآن
مفتوح التسجيل وقريبا يغلق .
رابط التسجيل في دبلومات جامعة الإمام
هنآ
الدبلومات المطروحه وأسعارهم
كثير بنات سجلو في الدبلوم و البعض راح ينقبل و البعض لا
لكن نقول الله يكتب لنا الخير وين ماكان ..
الدوام مسائي.
الدبلوم التربوي العام , من المستفيد ؟
خريجات بدرجة البكالريوس ولكن شهادتهم غير تربويه
مع هذا الدبلوم راح يتاهلون للوظائف تعليمية في المدارس
( يعني اللي خريجه و شهادتها تربويه لا تدرس ها الدبلوم )
^ لانه راح يكون مضيعه للوقتـ و للمال .
أسئلة ترددت على ذهني وأذهانكم بخصوص هالدبلوم
ماذا بعد التسجيل ؟
انتظري منهم رسالة بالجوال
متى بيرسلون الرسائل ؟
قيل في نهاية شهر شوال .
هل جميع الدبلومات فيها مقابلة ؟
الدبلومات الجامعية فقط اما الدبلومات الثانوي مافيه مقابلة
كيف اسدد المبلغ؟
بيرسلون على الجوال رقم حساب الراجحي بعد المقابلة والقبول
كيف إجراءات القبول؟
عندما يرسلون على جوالك تسددين المبلغ وتجيبيين الإيصال وتحضرين شهادتك وتعطينهم الجامعة اللي بالنفل
كم يوم نداوام ؟
ناس تقول 4 أيام بالأسبوع والخميس مآفيه ونآس تقول على حسب
الجدول.
هل الشهادة معترف فيها؟
نعم من قبل وزارة التربية والتعليم
هل ندفع المبلغ كامل ؟
كانوا يدفعون فقط 5000 والترم الثاني ما يدفعون لانها منحة.
لكن نزل خبر بالجرائد والصحف قبل كم يوم أن المنحه وقفت وأقتصرت
المنح على أقسام معينه وللحين مآجا خبر بتجديد المنحه او النفي .
رابط الخبر
http://www.saudiacademics.com/news-h...m/1307-n1.html
هل فيه باصات ؟ حكومية او خاصة ؟
فيه باصات خاصة امام الجامعه وكل باص يكتب الحي اللي بيوديه وبعد
القبول إن شاء الله نقدر نشترك من هنا على باص .
الساعة كم يبدأ الدوام ؟
من 4 إلا ثلث حتى 7 او 8
كيف الدارسة ؟
قيل سهلة وحلوة وممتعة
هل الدارسة الدبلوم مثل الجامعة؟
نعم. مثل الأنظمة والقوانين و حرمان المواد
كيف انحرم من المادة؟
اذا غبتي 3 محاضرات بدون عذر
كم مدة التطبيق بخصوص الدبلوم التربوي؟
يوم واحد بالأسبوع لمدة شهر كامل في الترم الثاني
كيف اعرف تسجيلي صحيح ؟
اذا عبيتي النموذج التسجيل يقول تم تسجيلك بنجاح
هل الدبلوم بيفيدني بالماستر؟
نعم اذا التحقتي بإقسام تربوية مثل ماستر مناهج او ماستر إدارة
هل التسجيل للدبلومات يقبلون تقدير مقبول ؟
قيل نعم وقيل لا إذا كثر عدد أصحاب المعدلات العاليه
هل يقبلون الجامعية تسجل بدبلومااات الثانوي ؟
نعم. يقبلونها ولازم تسجل بشهادة الثانوي
لكل اللي سجلو في أحد هالدبلومات ,, راح ترسل الجامعة رسالة على الجوال نهاية شهر شوال
و بعدها مقابلة شخصية للدبلومات الجامعيه ,,
المقبولات يبشرونا هنا وي رب أنقبل وياكم ,, 
و أتمنى يكون هالموضوع مفيد نتبادل فيه ارائنا و مشاكلنا وحتى أمور
النقل والدراسه إذا قبلونا ,, ويكون مرجع لنا ,,
وإللي قد خلص أحد هالدبلومات يفيدنا بتجربته ,,
** (من كان في حاجة أخيه كان الله في حاجته ).
|
العرض الشجري
