السـلام عليكـم جميعــا ..

حبيـت اكتـب كلمتيـن للاعضـاء اللي هنـا وبعد اذن المشرفيـن ،،

انا صـار لي اكثـر من شهـر ادخـل هنـا كـ زائـره للمنتـدى
واقرا كثيـر مواضيـع واشـوف كثيـر ردود غريبـــــة عجيبـــــة..

بعدهـا حبيـت اسجـل لاني لاحظـت كثيـر هنـا يسالـون
وما يلاقـون اجابـة صحيحـــة او صادقــــه
فـ حبيـت اساعد و اخذ اجر من وراهم (( اذا كنـــت اعــرف الاجــابة ))

ولا مـــره فكـرت اجـاوب احـد اجابــة من راسي
الا انا متاكـدة مليـون بالمية منهـا ومن مصدرهـا
و غيـره اكتـب قبلـه كلمـة (( اتوقـــع )) ،،

طبعـا بكـل مجـالات الحياة بتصادفـك اشكـال والـوان من النـاس
ـ ياهي مـدري من وين تفهم..
ـ ياهي تحـب تسبب مشاكل..
ـ ياهي مريضـة نفسيا..
ـ ياهي مضغوطـه وتبي تنكـد على غيرهـا ..
وغيره اسبـاب كثيـرة ..

وفي اشخـاص تحـط عليهـا اكـس وتكبـر راسـك
وفي نـاس ممكـن تكـون تقـرب لك او من اهلـك
اكثـر شي ممكـن تسويـه تحـاول تتجنبهـم ..

بـس هـنــــــا ..

لا والـف لا مافـي احـد مضطـر اتوقـع واجـزم يتقبـل هالـردود
وقمـة الاخـلاق اللي يتحلـون فيهـا بعـض الاعضـاء ..
والمصيبـة الكـل عندهم شهــادات مشـاء الله
ويبحثـون عن وظيفـة وراهـا تـــربيـة اجيــــال ..!!!!!!

فـ رجــــاء اتمنــــى كل عضــو/ة

يحتــرم نفسـه قبـل كل شي بتساعـد وعنـدك شي مفيـد الله يجازيك خير
ماعنـدك شي بـس تبـي تضايق خلـق الله وتغـث غيـرك ،،
لو سمحــت سكوتك ازيـن للي بترد عليــه وللي بيقـرا ..

واتمنــى اتمنـــى اتمنـــى من البنــــات تحديـدا

وربي شفــت بعينــي كثيــر بحيــاتي الدنيــا دارت عليهــم
مثل ماســوت ســوا لها واذا مو فيهــا في اعز النــاس لهــا الله يرحمنــــا ..

مثــال : تمدحيــن لعضــوة مكــان وهو صعــب مستحيــل العيــش فيـه
وتتسببيــن فيها وهي محتاجــة هالوظيفــة والله اعلم بحالهــا ..

(( عارفـه اللي يناسبك ممكن مايناسب غيـرك واختـلاف كل وحـده
وبيئتهـا بس اتوقـع الكل عارف وش اقصـد ))

كثيـر بنـات في تجمــع تكتـب شي..!! وفي تجمـع ثانـي تكتـب شي ثانـي..!!
بعضهم تفكيره محدود يقنـع اشخـاص بمكـان عشـان يخلى له المكـان اللي يبيـه
او لا اي سبـب ثاني الله اعلـم وش هدفهـا ولاتقولـون سلامـات التوظيـف مو بالكيـف
ومـدري ايش لاني شفـت هالشي بعيني في الـردود فـ ليـش كــذا مو حــرام !!!!

كل شي مكتــوب والارزاق مو بيــد هالاشخــاص الحمــــدلله بس خافـي الله
حبيبتــي قبـل كل شي ومـدري وين التوفيــق بيجيـك وهذا تفكيــرك …!!!!

وغيـر اللي تجـي وحـده تسـال مسكينــه تبي اجابــة اكيــده
ثم ترد عليهــا وحده و تساعدهــا ..
(( ثم تشطـح وحـده وتعلـق على اللي ردت على البنـت والغـرض وشـو تشكـك
اللي سـالت وبشـكل مستفـز ))

صـــار الواحــد يكــره يجـــاوب ويساعــد بسبــب هالاشكــال ...

واخيــرا ،،

اتمنى تتقبلـون هالشي برحابـة صـدر
واللي عنـده خلـل تحـاول تصلحـه والله يهـدي الجميـع ....

جزاك الله كل خير

شكرا لك على هذا الطرح ، والله يهدي الجميع

شكرررا على جهووودكـــ

جزاك الله الف خير يارب ويفتح لك ابواب رزقه بس فيه والله ناس يتعاونون ويحبون لك الخير في كل مكان موجود الخير والشر والله يطرحنا في ناس يتمنون لنا الخير ويرزقهم ضعف مايتمنون

الله يجزاك خير ويعطيك العافيه
فعلاً انا اتابع بصمت واشوف ردود غريبه ماافهم من وراها الا ان الشخص حسود وخصوصاً في مسألة تحديد الرغبات
عشان كذا انا انصحكم كل واحد يشوف ظروفه ويستشير اشخاص يثق فيهم وخصوصاً اذا كان يتأثر بآراء الآخرين
جميله الاستشاره بس بعد حلوه الاستقلاليه في اتخاذ القرار
والله اعلم بالنوايا .. والله يوفقك الجميع

أنا اشوف خاصة بترتيب الرغبات ماتأخذين رأي الناس هنا روحي خذي اهلك شخص قريب منك لأن معروف مو كل الناس تحب الخير لغيرها اما لو تسأل عن المكان وطبيعته مو مشكلة تجي هنا و مع ذلك تبحث أكثر بالنت او من خلال تجارب شخصية عشان تكون على بينة قبل تحسم أمرها
تعرفين وش اكثر شيء قاهرني و إلى الآن أنا منقهرة على وحدة هنا من الأعضاء مدري من قال لها انك مجتازة قياس و هي صدقت كلامهم وش ذا الحقد صدق احيان بعض الأمور الحقيقية تزعل الشخص لكن ع الأقل ماينحط بهذا الموقف تجي تقدم مايفتح معها وهي ماتدري ليه ع الأقل كان فيه فرصة تعيده مع البنات اللي إعادوه بس صدق ناس مدري كيف تفكر و زي ماقلتي راح تدور الدنيا و يرجع لهم تصرفهم

مشكوره ياهلاليه مهبوله يأني حبيتك من تجمعنا بس مدري ليه ماحبيت مريام << بتقولين وش دخلك بقولك مدري كل مااشوف شوشتها اكرهها

جزاك الله خير صادقة ،، لذلك كتبت نصيحة في قروبنا الرياضيات ، انسخها لكم

وصدقوني يا بنات جميعا كلنا عارفين المناطق هجر ونائية والظروف صعبة جدا جدا ، وكل نصيحة ممكن تقنعك لكن ما لنا جميع الا الاستخااارة ما خاب من استخار ، احنا بشر وما نعلم الغيب وقد لا نحسن التفكير فرحمة لنا دعاء الاستخارة والله يرضينا ...
بس مع هذا اعطيكم نصيحة خالصة الي بتروح بدون زوجها من المتزوجات احس صعب جدا لو زوجك يقدر ياخذ تكليف او استثنائي بدون راتب بجيث يكون معاها ، والبنت لابد يكون معاها محرم سند الهجر والمناطق النائية تخوف واذا السفر العادي يحتاج رجل في الطريق يعرف يتصرف كيف السكن بمناطق شبه مهجورة ...
أنا كنت متحمسة جدا الان ترددت بستخير وبشوف وطالما زوجي ما يقدر يروح ابدا ما راح اروح لا هو راضي ولا أنا بتحمل الوظيفة صحيح أمان مادي لظروف الحياة ، لكن تشتت الأسرة وترك الزوج والأبناء تخافي تجيك ظروف أصعب ورى هالقرار والرجال بعضهم يوافقوا لكن بكرة يمل او يتضايق وانت قد تورطت لا تقدري تتركي وتنحرمي من التقديم مرة ثانية ، وقد زادت مشاكلك الخاصة وابنائك ومستقبلهم الأسري والأمان اهم من المادة ...

استخيروووا طمنوا قلوبكم بالتوفيق باذن الله

جزاك الله خير
وفعلاً كلامك صحيح

حسن الظن جميل ومن باب حسن الظن اعتقد ان كل بنت تكتب هنا صادقة حتى وان كانت معلومتها غلط هي كتبت اللي تعرفه واصلا احنا هنا بعالم افتراضي مو حقيقي يعني ما اعرفك كيف احسدك والا اكذب عليك بس لو اننا اذا شفنا بنت كاتبه معلومة غلط لوحده نصححها لها ونكون تعاونا ع البر والتقوى
ونكسب اجر الثنتين

الله يرزقنا ويصلح احوالنا