السلام عليكم
رتبوا لي هالمناطق من حيث الافضليه بالخدمات والمطار يبعد عنها كم؟

نجران
جيزان
صبيا
محايل
رجال المع
النماص
المخواه
سراه عبيده
بيشه


من حيث مساوي الطرق والقرى التابعه لها

الاول اكتبي منطقتك من وين
حتى ترتبي الاقرب بالاقرب لمنطقتك

من المدينه

نجران تبعد عن المدينة تقريبا 1300 والطريق خطر
وفيها قرى ومدن بعيده مثل الخرخير وشرورة
جيزان تبعد 1000 كيلو والطريق الان شغالين بالخط السريع
صبيا من قرى جيزان تبعد عنها 100 كيلو وعن مطار جيزان 45 كيلو
سراة عبيدة تبعد عن أبها 100 كيلو وقراها سيئه من ناحيه طرق قراها
رجال ألمع تبعد عن ابها نص ساعه بالسيارة عن طريق السوده تنزلين عقبة الصماء

بالتوفيق اختي
ماعندي الكثير من المعلومات عدا ان صبيا تابعة لجازان ولو تعينتي فيها تروحين مطار جازان وماتبعد صبيا عن المطار الكثير, لكن ماادري عن هجرها وقراها ولاشي
اما عن ماسمعت ان نجران خطرة فيها زلازل,, فعلاً لقيت خبر عن زلزال فيها عن قريب لكن ماادري عن خطورتها وغيره انا حطيتها ضمن رغباتي على كل.
بيشة احدى الأخوات المعتذرات كتبت في موضوع لها قصة إعتذارها بصراحة كانت هجرتها مرعبة تحسين انك في عصر قديم جداً على حد كلامها ان الكهرباء على مولد مايشغلونه إلا مرتين باليوم وكذا, طبعاً هذي حالة وحدة وما ادري عن كل قرى وهجر بيشة لأن بالمقابل وحدة من معارفنا تشتغل هناك وتقول المكان معقول, فهي اكيد على حظك ادعي في أي منطقة تتعينين فيها ان يكون مكانك مريح ومناسب.

بالمقابل سمعت ان سراة عبيدة زينة ولا ادري ليش ولا بحثت كثير بس حطيتها ضمن رغباتي طبعاً
المشكلة ان الاحتياج ضعيف هالسنة عشان كذا اقول انا بقدم على عدة مناطق وان جاني التعيين كان بها احاول اروح, والرزق على الله

موفقة اخيتي