السلام عليكم ورحمة الله وبركاته

أخواني الأكارم ..

عندي مشكلة وودي القى لها حل ضروري ..

اللحين انا قبلت في الترشيح للوظائف التعليمية اللي نزلت قبل يومين ..

وانا قبل كذا كنت مقدمة على وظائف المعيدات في الجامعة وقبلت القبول المبدئي ..

وفرصتي فيها مرة كبيرة .. وخاصة اني انا المرشحة الأولى ..

بس باقي النتائج النهائية .. وطوووووولت هذي النتائج مرررة مرررة ..

إلى الآن ما نزلت .. وماادري متى تنزل ..

وكمان قدمت على الماجستير وقبلت فيه .. ولله الحمد المنه ..



السؤال الان ..

انا مالي خاطر في الوظائف التعليمية .. خاطري كله في وظائف المعيدات ..

ويوم السبت البعد القادم هو يوم اكمال الاوراق والمقابلة الشخصية .. وأعتقد توقيع العقود ..

للوظائف التعليمة ... ومعناها أني ماراح اقدر اروح لوظائف المعيدات لو طلعت ..

لاني سمعت انك حتى توقع عقد جديد لوظيفة حكومية لازم تنتظر 6 شهور بعد تقديم الأستقالة

من وظيفة حكومية سابقة .. وفي هالوقت الطووويل هذا تكون وظيفة المعيدية راحت علي

فهل هالكلام صحيح ..؟؟


الشئ الثاني / لو رحت للوظائف التعليمية .. كيف اقدر ادرس الماجستير ..؟؟

هل ارفضه .. أم اني اقدر اخذ تفرغ من التدريس ؟؟ وبعد كم سنة اقدر اخذ التفرغ من التدريس ؟؟



والله الموفق

أختي قدمي اعتذار عن وظيفة المعلمة التي رشحتي لها عادي جدا ولن يؤثر على وظيفتك الأخرى لأنه فقط ترشيح وليس تعيين رسمي ، وبما أنك مرشحة كمعيدة استمري في المتابعة وهو أفضل لك ، وبالنسبة للماجستير لا تستعجلي سوف تلتحقين به بعد التعيين .

تمنياتي لك بالتوفيق أختك ماهيا