نظام اثبات الاقامة كان ظالم وله مشاكل كثير اهمها التعاقد واحتكارها على اقارب من في وزارة التربية والتعليم
غير كذا كان فيه تزوير في الاثبات وتحايل بطرق عده ولو بنطبق النظام نطبقة ع الكل وفي جميع القطاعات الحكومية من باب العدل
موضوع القرى والهجر انجبرنا علية ومستعده اتحمل حتى لو الوضع صعب ومارح يكون اصعب من بطالة لمدة سنوات وتزيد فيها العقبات من الوزرات الثلاث والتعقيد
موضوع الاحتساب مااظن احد يقبل يشتغل بدون مقابل حتى الدعاة نفسهم ياخذون مقابل على دعوتهم
انا مو مثالية بس هذي الحقيقة بدون تزيييف

وبالنسبه لاثبات اقامه السكن انا ضده مليون ب % انظلم بهالقرار المتخبط شريحه كبيره من الخريجات والسبب عدم وجود احتياج في منطقتها
واللي مع هالقرار ابي اسالك سؤال :
ايش ذنبي كخريجه مجتهده بمعدل ممتاز ومع تعقيدات الوظائف التعليميه الحالية من ( قياس -دبلوم تربوي -انتظام ... )انتظر الوظيفه لعشرات السنوات والسبب الوحيد ان منطقتي مافيها احتياج بالمقارنه لو كنت عايشه بمنطقة لها نصيب اﻻسد بالاحتياج اقدر اتوظف لو معدلي مقبول ...( تنويه :الفكره اللي ابي اوصلها انه فيه ظلم وعدم توظيف اﻻجدر واﻻكفى من حيث عدد نقاط المتقدمه وانما ميزان التوظيف راح يكون على اساس اين مكان السكن ؟؟ )

كلام سلييم وفيه جانب كبيير من الصوااب لابد أن نعي ونرتقي بفكرنا ونجعل الوظيفة وسييلة وليست غاية

ننمي من خلالها شخصياتنا ونؤثر على من هم تحت أيدينا فهذه المهنة بالذاات تحتاج لعزم وذمة وأمااانة فلا ذنب

للطالبات حتى نحملهن غربتنا نحن من اخترنا ونحن من عليه تحمل قراره واختياره ومن لاتجد في نفسها قدرة على تحمل

القادم فلتفسح المجال لمن تستطيع ذلك جعلنا الله مباركات أينما كنا .

اللهم امين

السلام عليكم ورحمة الله وبركاته

قرارات الشخص في ترتيب رغباته شيء شخصي لكن بالمقابل لابد من تحمل نتيجة هالقرارت

أنا انسانة على اتم الاستعداد اتعين في أي منطقة .. لكن بالمقابل عندي اهل معارضين لفكرة

الاغتراب ...

لأني ارى التدريس متعة ويكفي ان الملائكة تستغفر لمعلم الناس الخير وانا في طريق علم

هنااا قمة الارتياح النفسي بغض النظر عن المناطق النائة .. لانها قائمة باهلها ,, وحقهم العلم

وللامانة أي شخص كان هدفه ان هذي امانة مسؤول عنها ,وكذلك الاخلاص رح تيسر كل الامور


دائمااا التوكل على الله بكل امر ...

اما بالنسبة لصاااحبة الموضوع ,,, وانها اعتذرت شيء راجع للشخص ..

لكن لو انا كنت مكانهااا وعندي احد يوصلني لهالمناطق ابدا مافكرت بالاعتذار .. اكمل وابحث عن

نقل .... افضل من الانسحاب نهائياااااا


بالنهااااية ... يبقى هذا رائي الشخصي .....

كيف تبغى الأم تتغرب عن ولدها ؟ وكيف تبغى البنت تتغرب عن أمها وأبوها واخوانها ؟

وليتها في أماكن مؤهله للمعيشه

يحطونهم في قرى طريقها وعر ومع سائق أجنبي والأمن شبه منعدم !

اتق الله يارجل وإترك عنك المثاليات اللي لو كان وزير التعليم يؤمن فيها كان هو أول من وظف بنته في هالقرى

هل صحيح خبر ان من يعتذر عن الوظيفة يحرم من المفاضلة لسنتين او ثلاث؟؟؟؟؟