يعطيك العافية

تقريبا اقل راتب. كم. بعد خصم تأمينات

اختصار للوقت لنا ولكم

وشكرا

لازال التقديم مسمرررر

وبالنسبه لالرواتب لاقل عن 4000 وهذا اضعف راتب على ما اتوقع بس العلم الاكيد يتم التحديد بعد المقابله

السلام عليكم
ياعزيزي اتصلنا على الاخ اللي انت وضعت رقمه يقول ماعندي معلومات والمعلومات كلها عند راعي الحلال
طيب يوم انه ماعنده معلومات ليه انت حطيت رقمه ياخوك
جميع استفسارتنا يقول اسئلو راعي الحلال
ويقول من الافضل لكم تجو الشركه مباشره وتقدمون
يعني الله يهديك انت وياه لاتوجد معلومات ولاشئ وتبغون نستئذن من عملنا ونجلس ندور على شركتكم وبعدين يمكن الرواتب ضعيفه او مجال العمل مايناسب او تقولون اكتفينا
كان من الافضل لكم تضعون ايميل لشركه ويتم ارسال السيره لكم من جميع الراغبين في الوظائف
وانتم تختارون من تريدون بدال الطريقه القديمه هذي
...........................................
هذا ملاحظاتي اخوي واتمنى لكم التوفيق لكن طريقتكم بدائيه بصراحه وايضا الشخص اللى انت وضعت رقمه لايجيب على الاستفسارات فقط يردد هذي الكلمات :- (( تعال بنفسك وتفاهم مع راعي الحلال وراح تعرف كل شئ بنفسك ))
اجل ليه حاط رقمك اخوي اذا هذا ردك

طيب يا بتاع البدائيه ما تبي نجيك الى مقر عملك وتاخذ جميع المعلومات و ننتظزر موافقة الكريمه يا اخي العزيز انت عندك وظيفه وتتشرط كمان فيه غيرك بدون وظيفه وجا الى الشركه والحمد لله تم توظيف اكثر الي حضرو للشركه وهذا عرض وظائف مش مزايدات لكل من قرا الاعلان شكرا ولكم مني ارق تحيه واحترام

هل لازال التقديم مفتوح على الوظائف اخي الكريم عصام سعيد ام انتهى

مؤهلي دبلوم ثلاث سنوات ونصف تخصص محاسبة هل يوجد وظيفة شاغرة مناسبة لمؤهلي ام اكتفيتوا بالتخصصات الادارية وشكراً

جزاك الله خير

[align=center]السلام عليكم و رحمة الله وبركاته

أخي الكريم عصام سعيد
أرجو الافادة مدخل الصناعية البوابة الاولى أو الثانية ؟
وهل لازال التقديم مستمر للوظائف الادارية لو اكتمل العقد ؟

تحياتي ...[/align]

عصام سعيد
ليه معصب يااخي انا قلت الصراحه
وعشان يستفيد الجميع وعشان تعرف اني جيت وسويت المقابله مع صاحب الحلال البابطين
الشركه للمعلوميه في الصناعيه الثانيه المدخل الاول لصناعيه وليس مدخل كبري هاف مون شارع 23 تقاطع 90 ثالث شركه
طبعا الشركه بدون لوحه يعني مافي اسم على الشركه انا عرفتها من احد الباصات الوسخه اللى واقفه عند البوابه الباص كان عليه اسم الشركه لذلك عرفت الاسم
المهم قابلني هندي عند البوابه(( وقال وين يبغا انتا روح )) قلت بااقدم على وظيفه
قال واحد دقيقه صديق طبعا هذا بدايتها سكيرتي هندي دخلت انتظر في البوابه واحصل سعودي نايم داخل البوابه لابس بدلة سيكرتي (( شكله معطي الهندي عشره ريال وقايل له داوم محلي كم ساعه عشان انام ))
المهم دخلت الشركه وقابلت واحد اسمه تقريبا نفس اسمك ياصاحب الموضوع المهم فيه سعيد
وعطني ورقه قال اكتب معلوماتك وسجلت كل شئ
بعدين قابلني صاحب الحلال (( وركز على هذي النقطه))
سئلني عن مؤهلاتي وجاوبته بعدين قال الراتب 4200 اجمالي ويخصم التامينات تقريبا الصافي 3700
قلت له انتو كاتبين في الاعلان اقل راتب 4000 الصافي كيف الحين صار 3700 قال مين اللي قال 4000 ريال
قلت انتو واضعين اعلان في حلول البطاله ان الراتب 4000 وفوق
قال والله هذا رواتبنا اللي عرضناه عليك
قلت جزاك الله خير ومع السلامه
وانا طالع اخذت لي لفه داخل المصنع
مع احترامي لك المصنع وسخ من الداخل زباله واغلب الموظفين من الجنسيه الهنديه
وانا طالع سئلت رجل الامن كيف اوضع الشركه قال زفت
وكل يوم نشوف موظفين جدد وبعدها بكم يوم يتغيرون بسبب الرواتب المتدنيه
والمصيبه ان الرواتب يتم تسليمها في تاريخ 10 من كل شهر
اقسم باالله لولا اني لا اريد ان اتسبب في فصل الموظف السعودي والهندي والا كان قلت اسمائهم لكن واضح انهم مساكين لذلك لا اريد ان يدخلون في مشاكل
,,,,,,
لكن يااخي قول الصراحه للمتقدمين للوظيفه مو تلعب عليهم وتقول الرواتب اقل شئ الصافي 4000 ريال
,,,,
اتقو الله في انفسكم واعلنو اعلانات واضحه غير مبهمه
وش راح تخسر اذا وضعت جميع التفاصيل وريحت العاطلين من عناء السفر من مدينه لمدينه وبعضهم قد لايملك ريال واحد في جيبه
,,,,
في النهايه هذا وجهت نظري ممكن اكون انا غلطان او فهمت غلط وانتو الصح
,,,
وعشان تبين حسن نوياك ياليت تضع الرواتب بتفصيل للجميع عشان لاتقول انا اتبلى عليك

شكرا لك اﻻخ شريف اصل شركه زي هذه المفروض يتم تبليغ عنها في وزارة العمل انشالله راح ارسل اسمها لوزير العمل بتويتر للمتابعه