المشاركة الأصلية كتبت بواسطة حلم سيتحقق

انا ماادري ليه اغلب الاجوبه دخلتوا فيها الهيئه والدين ! انا ترى قاعده اتكلم عن العمل مو عن موضوع تاني جزاكم الله خير ، ترى احنا في منتديات حلول البطاله نناقش مواضيع متعلقه بالعمل مو اكتر، و ترى المدير مااتحرش في اي وحده فينا ابد ،والرجال لمن يكلمنا عينه في الارض، انا كل مافي الموضوع اللي قاهرني اني انا اشتغل اكتر وحده فيهم وحالي حال نفسي ، وهم عشان يجيبوله قهوه واكل و هدايا وماشابه يقيمهم كويس ، وانا تقيمي اقل لاني ما اعطيله اي شي بس اشتغل واخلص شغلي واروح عالبيت وبس

المشاركة الأصلية كتبت بواسطة حلم سيتحقق

انا الصراحه سار عندي تضارب في دماغي بسبب مديري ، هو غير عربي ، اول شي المدير كان بيتقرب مني على اساس اعجاب و زواج بس انا الصراحه مااعطيته فرصه ، بعدها بفتره جات موظفه جديده ، انا واياها سمن على عسل ، بعد كده سار بتقرب منها وقالها زواج قالتله ترى انا مخطوبه لكن مازال معجب فيها لكن هي بصراحه عرفت كيف تضبط وضعها ، مره جابتله هديه ومره تسويله قهوه ومره تعمله حلى ومرات تسلفه فلوس المهم البنت سارت تغيب على كيفها وما يخصم عليها ابد ..... وبعد هدا كله مازال يحاول يتقرب مني وبيتقرب منها في نفس الوقت (طبعا قصدي يتقرب بالكلام مو شي تاني) واللي فاجعني انه هده صحبتي قالتلي انه المدير حذرني منك هده الحكايه باختصار... قولولي ايش اسوي بالله؟!
وعلى فكره كمان فيه موظفه قديمه معايا من اول كمان تحاول تضبط وضعها مع المدير مره تجيبله غدا ومره شاهي ومره قهوه. ...
ايش اسوي انا بصراحه احس انه ظلم انه يقيم البنت اللي تهتم فيه كويس واللي تشتغل وحالها حال نفسها يحاسبها على كل شيء! !