السلام عليكم
تم الاختبار صباح اليوم الثلاثاء 17/2
الرياض - على وظيفة كاتب / المرتبة 4
اول ماتروح مثل طريقة المقابلة الشخصية
تمر السيكورتي الى بالخارج تعطية الاثبات وورقة الاشعار الى طبعتها من الموقع
وبيعطيك كرت فية رقم
وبيسجل اسمك بورقة عندة وتوقع عليها
وتاخذ الاشعار والاثبات معك وتنتظر دورك بصالة الانتظار
ويستدعون 10 أشخاص من رقم 0 الى 10 كمثال
وتدخل بصالة ثانية تنتظر بحدود 5 د تقريباً
بعدها بيدخلك المسؤول هناك وبيقولك على أى طاولة تجلس رقم 1 والا 2 ..... الخ
بعد ماتجلس بالطاولة فيه ورقتين يمينك (تبع شروط الاختبار )
والى على يسارك هي القطعة الى بتختبر عليها بس مقلوبة على القفى
بيقول لكم افتحوا الوورد وحطوا حجم الخط على 16 ( هو بالاساس بيكون 11 )
بعدها بيقول اقلبوا ورقة الاختبار الى بيساركم وعلقوها بلوح جاهز
وبعدها يبدىء الاختبار لمدة 3 د
إن قال Stop أنتهى الوقت ( شيل يدك من الكيبورد ع طول ) لاتكتب اى حرف زيادة عشان لايلغون اختبارك
بعدها بيجيك شخص بيطبع الى أنت كتبتة وبيعطيك هالورقة
بنهايتها تكتب ( إسمك ) و ( رقم الهوية ) و ( الوظيفة الى مقدم عليها ) و ( المرتبة المقدم عليها )
وخلاص تطلع وتنتظر الاعلان منهم
أنا الظاهر كتبت 75 كلمة ( مو متأكد ) بس بالسبعينات
وبخصوص الاخطاء ( لاأعلم والله ) بغيت أدقق بلى كتبتة بعد ماأنتهى وقت الاختبار
بس ماأمداني أقرأ الا سطر من كلامي
لأن جاء المسؤول يطبع وخلاك تكتب البيانات الى قلت عليها فوق من اسم وهوية ومرتبة ووظيفة
وتسلمه هالورقة
بخصوص ورقة الاشعار مايحتاجونها بيقول خذها معك .
والله يوفقنا جميعاً .
09-12-2014, 01:07 PM
العرض العادي
