إن شاء الله توصلكم الاخبار أول بأول

السلام عليكم ورحمة الله وبركاته
لجميع الشباب الي ماوصلهم اتصال عليهم مراجعة فرع الديوان الي قدمتو عليه
لان الموضوع فية نقص اوراق اليوم رحت للديوان وكلمتهم استفسر وقام الموظف
اتصل بالادارة وبعدها بحث الموظف وقال الكشف الطبي ماوصلنا قلت انا سلمتكم الكشف
واوراقي كامله قال لا تقلق الوظيفة موجودة انتظر ليوم الاثنين القادم يا انا نخليك تسوي كشف ثاني
او نخاطب الخدمة المدنية تعطينا صوره للكشف وبعدها بأسبوعين ان شاء الله نطبع القرار وتداوم قلت
خير ان شاء الله في كل تأخيره خيره هذا إلي حصل والله الموفق

تقبلو تحياتي

تحيا و تدوم


انا راجعت الفرع وذكروا لي انه ماعندي شهادة حاسب آلي عشان كذا ما احد اتصل علي
وقالوا جيب شهادة نرفعها لك

علما باني ملتحق حاليا بدورة وجبت لهم افادة ولكنها رفضت من الرياض

الحين من وين اجيب لهم شهادة؟؟
وذكر لي ياشهادة يا يعتذر الديوان منك

والله المستعان

بالنسبة لي راجعت الديوان بالدمام وافادوني بان الكشف الطبي لم يجدوه بالرياض علما انه ارسل من الدمام ولكن حسبي الله على من ضيعه
ورحت اسوي واحد ثاني نقل بيانات ويبغاله وقت الى ان يجهز
لكن المهم يا اخوان هل الوظائف محجوزه بأسمائنا ام تلغى

ان شاء الله ماتروح هي في النهاية مهي غلطتك غلطتهم ولكن سؤالي للا اخ صلاح هل هي باقي تروح لديوان الخدمة المدنيه يعني ما ارسلوها هناك اول ولا ارسلوها وش الاجراء اللي راح ينخذ بعد مايكمل الناقص من الاوراق

ياشباب الاوراق انتهت من الخدمة المدنية والدليل يوم قالي
بنطلب نسخة من الخدمة المدنيه للكشف اذا جات كويس مايحتاج تسوي كشف واذا ماجات
الله يعينك تسوي واحد جديد واما بالنسبة للي يسأل هل الوظائف محجوزه اقوله تطمن ماهي فوضة
الشغله ايه وظيفتك لك إلى ان يتعذر شغلها نهائيآ النواقص تحصل في جميع الدفعات انت كمل النواقص
وعلى طول يصدرون قرار تعيينك بس طبعآ على كلام الاخ ماجد في شؤون الموظفين اسبوعين إلى ثلاثة ويصدر قرارك
تطمنوو وفلوووها لاحقين على الدوام

تقبلو تحياتي

مساء الخير ياشباب
ديوان المظالم يعلن تعيين اول دفعة عددهم 265 موظف
تلقون الخبر في موقع ديوان المطالم شؤون الموظفين
احنا ان شاء الله الدفعة الثانية

تقبلوو تحياتي

الله يعين يابن الحلال كل واحد يقول كلام مالنا إلاالله
ننتظر الدفعة الثانية وفي كل تأخيره خيره هذي من الله
ان شاء الله فيها خيره

تحياتي

استجد شي يا اخوان