ياخوان اتمناء من الجميع تحديد الوظفية المرشح علية

كيف اعدل اشعار التقديم الورقة معي الان بس لاحد يقول بلها واشرب مويتها ههههههههه

ياحوان هل ترتيب الرغبات زي مادخلتوا انا حاط بريده حائل الرياض وحصلت الرياض بريده حائل والمقابلة بالرياض وش معنى هالكلام

بالنسبه لي الوعد في 11/1 الرياض مراقب نظافه الرابعه

السلام عليكم ورحمة الله وبركاته

يا اخوان انا كانت لي تجربة سابقة في مسابقة وظائف بديوان المظالم قبل 3 سنوات تقريبا

سابقت على وظيفة بالمرتبة 6 مساعد مبرمج او مشغل اجهزة حاسب الي مش فاكر بالضبط من كثر المسابقات

المهم جلست حوالي 9 شهور وانا رايح جاي للرياض

اول مرة كان اختبار تصفية على مستوى المملكة
كان عدد المتسابقين 60 الف وصفونا الى 1200 تقريبا

وبعد كذا سوينا اختبار ثاني وصفونا الى النص تقريبا

وبعدها كان مقابلة شخصية مع شيوخ فطاحلة ( وقسم تحس من طريقة اسالة الواحد منهم
انه بيحكم عليك قصاص ولامؤبد من قوة الهيبة اللي فيهم
واتذكر يوم كنت مستني دوري وانا اشوف طريقة الشيوخ في المقابلات
كنت ارتجف من الخوف وكان المتسابقين اللي يخلصون من المقابلة يخرجون وهم متاكدين
انهم مو مقبولين لان طريقة اسالتهم في المقابلة تختلف عن باقي المقابلات الاخرى
يعني بتكون الاسالة بشكل عام لاهو في التخصص ولا مجال الوظيفة
يسالونك عن اشياء تحدث في الحياة بشكل عام ويبغاك تجاوبله كيف تصرفت
يعني انا مثلا سالني الشيخ عن 3 مواقف وقالي اشرحلي كيف تصرفت فيها
بس طريقة صيغة الاسالة من الشيخ مفاجئة ولاتخطر على البال
اهم شي انا سلكتله كلام من عندي وكله خرطي اهم شي اني ما اسكت
وهذا هو المهم انه الواحد مايكون مبلم وساكت وقت المقابلة

المهم بعد ماخلصت من الشيخ الاول ارسلني للشيخ الثاني وقبل ما اقوم قالي بصوت خفيف
لاتغير اجاباتك وكلامك عند الشيخ الثاني خلها نفسها ( للامانة ربي حظني بشيخ طيب وحبوب ولس شباب
الله يحفظه ويطول عمره
الشيخ الثاني سالني نفس الاسالة بطريقة مختلفة تماما وتحسه يخوفك مدري ايش يبغى
لو ماعلمني الشيخ الاول كان رحت فيها

والشيخ الثالث دردش معي شوية ومزح معي وقالي روح الله يوفقك
وكان كل شيخ يعطني الثاني ورقة مكتوب عليها كلام المتسابق ودرجاته
(طبعا هذه الاجراءات كلها كانت في الرياض بجامعة الامام رغم ان مقر الوظيفة اللى انا متقدم لها في جازان)

وبعد المقابلة بفترة جتنا رسايل للمطابقة النهائية واختبار التخصص في المقر الرئيسي
لديوان المظالم بالرياض

سوينا المطابقة والاختبار كان عملي وكان سهل جدا اي واحد ممبتدا في الحاسب ينجح فيه
وكل هذه المسابقات والاختبارات والمقابلات والروحات والجيات
تفاجات اني متسابق على وظيفة وحدة صفينا عليها على مستوى المملكة
الين مابقينا 3 قالوا اخذها واحد كانت رزقه ومكتوبه له من عند الله


المهم سوولنا تصفيات كاس العالم وخسرت في الفاينل بضربات الحظ الترجيحية


واللي يبغى ربي يرزقه لازم يسعى وربي كريم ماينسى عبيده


والحمدلله على كل حال
وتمنياتي لكم بالتوفيق

السلام عليكم

بالنسبة للأخوان اللي اترشحوا للمقابلة الشخصية جاتكم رسائل على الإيميل ولا الجوال ولا كلهم

أنا مقدمه لأخوي بس للحين ماأعرف جاته رساله على جواله ولا لا بس فتحت إيميلي وحصلت منهم رساله
وأنا حاولت أدخل الموقع بس ناسيه الرقم السري وبسترجعها الرقم أنرسل على جوال أخوي وهو مو عندي << مستعجله ببشره
المهم فيه أحد من المدينه
وكيف المقابله الشخصية
رد الأخ اللي فوق مايبشر بخير

بالتوفيق للجميع يارب

انا من المدينة ومقدم على مراقب امن وسﻻمه وحطيت الرغبات المدينة
وطلعت المقابله في جده بشهر 1

أعلنت الإدارة العامة لشؤون الموظفين بديوان المظالم عن نتائج القبول المبدئي للمتقدمين للوظائف الرجالية؛ التي طرحها الديوان مسبقاً، على المرتبتين السادسة والرابعة.

وذكرت الإدارة العامة لشؤون الموظفين بالديوان أنه جرى إرسال رسائل إلكترونية على بريد كل متقدم، وتحديد موعد المقابلة الشخصية ومكانها؛ علماً أن المقابلات الشخصية ستكون في عدد من المحاكمِ .
وأوضحت أن المحاكم هي المحكمة الإدارية بالرياض الواقعة بشارع الضباب, ومحكمة الاستئناف الإدارية بمنطقة مكة المكرمة ومقرها محافظة جدة بشارع حراء مقابل الفحص الدوري، ومحكمة الاستئناف الإدارية بالمنطقة الشرقية ومقرها الدمام بجوار كليات البنات، والمحكمة الإدارية بأبها , والمحكمة الإدارية بتبوك والمحكمة الإدارية بسكاكا.
وأكدت الإدارة العامة لشؤون الموظفين بديوان المظالم أن على المتقدمين مراجعة البريد الإلكتروني أو رابط التقديم للوظائف بالبوابة الإلكترونية؛ لمعرفة النتائج وموعد المقابلة الشخصية، والحضور في الموعد المحدد لكل متقدم مصطحباً معه ما يثبت هويته ونموذج الطلب الموجود في موقع الديوان على الرابط التالي:www.bog.gov.sa*.

[align=center]
يا الله يارب في هذا اليوم العظيم المبارك يوم وقفة الحجاج في عرفة

ان تفرج همي وتنفس كربي وترزقني من حيث لا احتسب انا ومن يقرأ واخواني واخواتي
[/align]