بالتوفيق للجميع ..

ي شباب الله يسعدكم اللي سوا مقابله ناسخ اله في جدة
يعلمنا وش صار معه ؟
بكرا ماقابلتي الله يوفقنا وياكم

رئيس ديوان المظالم يتفقد لجان المسابقة الوظيفية بمحكمة الاستئناف الإدارية بمنطقة مكة المكرمة

وش علاقة اخذ الورقه ولا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالله ياشباب متى الفرز الاخير

الله اعلم

من شوي خرجت من المقابلة في المحكمة الادارية بجدة
ملاحظاتي :
التنظيم رااااااااااائع جدا
العدد فوق 200 شخص تقريبا
انا ما اخذت عشرين دقيقة انتظار
كان فيه 7 لجان تقريبا .. عشان كذا يخلصون سريع سريع
واغلب المتقدمين يسألونهم 3 اسألهم
عرف بنفسك ؟
ايش تعرف عن ديوان المظالم ؟
ليش ماكملت جامعة ؟
يعني المقابلة ماتاخذ دقيقتين او 3 دقايق ( حسب ما شفت الاخوان الى قدامي بالترتيب )
لكن انا تقريبا اخذت 10 دقايق
بعد ال3 اسألة قعدوا يسولفون معي واسلوبهم رائع وابتسامة دائمة كأنهم خويانك
سألني ايش طموحك ؟
وسألوني عن الجامعة ليش ماكملت .. قلت انا حاليا ادرس تعليم عن بعد
سألوني عن دراستي ومعدلي وطبيعة الدراسة كيف
سألني ليش تبي الوظيفة الحكومية تراها مثل الاستعباد مالك حرية ولا تقدر تطور نفسك بسرعة
قلت الله كريم الانسان يسعى للرزق الحلال وين مايكون
سألني متزوج قلت لا
قالي ليش ماتزوجت للحين يافلان
قلت له الزواج الحين صعب والتكاليف كثيرة
جاب لي ايات واحاديث من ضمنها ( إن يكونوا فقراء يغنهم الله من فضله )
قال انت ماتؤمن بهذه الاية .. قلت الا مؤمن بيها
بس الحين مافي بنت ترضي بالفقير
اول شي يبون وظيفتك وراتبك .. قام خويه الثاني يضحك .. يقول ان شاء الله تتوظف عندنا وتتزوج
قلت ان شاء الله يارب الله يسمع منك ..
اخر شي قالي بالتوفيق يا فلان
والله يكتب لك الخير ..
قلت امين وقمت من الكرسي وسلمت عليهم ومشيت

وسلامتكم

اسأل الله ان يجعل هذه الوظيفة من نصيبي

الحمدلله رب العالمين اليوم تمت المقابلة في المحكمة الادارية في الرياض على وظيفة ناسخ الة المرتبة الرابعه

سؤالي للاخوان متى سيتم الاعلان عن نتائج المسابقة الوظيفية
وشكرا