السلام عليكم ورحمة الله وبركاته

عندي طلب استقدام في مكتب العمل وإصدار الفيز لمؤسسة جديدة

تحولت المعاملة إلى قسم التفتيش ثم رجعت إلى قسم الاستقدام وقالوا راجعنا بعد أسبوع

اليوم راجعهم المعق وقالوا له راجعنا بعد أسبوعين

المشكلة المعقب الله يهديه ما يسألهم عن الخطوة التالية ومتى تطلع الفيز

فياليت اللي عنده علم يخبرني اش باقي من إجراءات في مكتب العمل ومتى تطلع الفيز ؟

مع العلم إني سددت قيمة الفيز من شهر عن طريق المباشر
فهل هناك طريقة تسديد أخرى أم يكفي عن طريق المباشر..؟

شوف طال عمرك

اخوك خبره بهذله معهم هههههههههههههه

الان يرسلون المعامله الى أقرب فرع وزارة عمل فيه محلك

الفرع هذا يطلع منه موظف يسوي معاينة للمحل ويكتب ملاحظاته مثلاً طالب 6 تأشيرات ومساحة المحل صغيره يكفي عاملين بالمحل او العنوان مختلف ولازم يحدث بيانات او كذا عرفت

بعدها يرجعها للفرع الرئيسي بعد 3 أيام تراجعهم يقولك تمت الموافقه على تأشيرتين او 3 على حسب مزاجهم احياننا الفرع يقول عطوه 4 الرئيسي يقول لا بس 2 عناااد الظاهر ياشيخ وزارة سقيمه وانظمة زفت

يطبعها لك وانت مو مصدق عيونك تخنقك العبره وتعزم ربعك على مفطح من الوناسه

هذا ماحصل معي ^_^

خلاص انتهت تقريباً بس موافقة وطباعة وانتهت .

انا تأشيراتي مسددها من شهر 5 هجري وقدمت بتاريخ 30 / 5 وكل ماراجعتهم قالوا تحت الدراسة بتجيك رساله

وتحولت الى فرع وزارة العمل القريب من محلي بتاريخ 12 / 8 / 1435 ورجعوها ان المحل مو في نطاقهم واخذت اسبوعين رايحه راجعه الى ما قرروا انها تابعه لهذا الفرع

وعاينو المحل وارسلو المعامله للرئيسي بتاريخ 22 / 9

ثم قالوا تعال بعد العيد تكون خالصه

وتوهها خلصت ذبحونا يارجال

الله يعطيكم العافية ويوفقكم
طيب عيال اللذينا ليش تاخذ أسبوعين المفروض ثلاثة أيام فقط
يوم المعاملة يمديها توصل الفرع
ويوم يسوون المعاينة
ويوم ترجع المعاملة للوزارة السقيمة !

النظام عندهم لازم تكمل شهرين بعد فتح تقديم طلب التأشيرات

وطلب التأشيرة لازم تكون مسعود نفسك أو شخص أخر وتنتظر 3 شهور علشان نطاقك يكون أخضر

وبعد ما تكمل وتروح للتفتيش وبعدها للأستقدام وبعدها الى تروح المعاملة الى الأستقدام بالرياض وتاخذ حوالي أسبوعين وتكون مسدد تجي الموافقة وتطبعها

اذا عندك خدمات ابشر في وزارة الداخليه
ادخل وتشوف التاشيرات اذا صدرت والا لا
مو شرط تراجعهم ويطبعونها لك

سجل دخول في ابشر - بعدين لوحة معلوماتي - بعدين مربع الاستقدام
يظر لك رقم الصادر للتاشيرات

عزروبي حسبي الله عليهم
كملت عشر شهور الحين من وقعت عقد ايجار محل الى طلب تاشيرات
والحين الطلب لما استعلم عنه بموقع العمل يقولك تمت موافقة اللجنه الفرعيه
نصيحه الي بيفتح موسسة لايستعجل الوزاره كل يوم طالعين بانظمه جديده

السلام عليكم
من تسجيل سعودي بالمنشأه وتنتضر 3 شهور عشان يتصحح الوضع هل بعده تصدر لك فيزه
والا تنتضر 60 يوم بعد.
وهل الطالب لمى تحط راتبه 3000 بالتامينات هل يحتسب سعودي كامل وتعدل النطاق؟؟؟