صراحة طريقتهم بدائية وسيئة لايردون ولايفيدونك باي شي
ولافيه رسايل على الجوال ولا الموقع فيه شي ماقد شفت موؤسسة حكومية بهالشكل واضح ان النتايج مطوله شوي والعلم عند الله يبي لها ٦ اشهر او اكثر ..وصدقوني على وضعهم هذا بتطلع النتايج ولاراح احد يدري لذلك اي رقم يجيكم بالصباح ردو عليه لايتحججون بعدم الرد

هل انتهو من المقابلات او باقي احد عنده مقابلة ؟
انا مقابلتي كانت قبل شهر وعلى كلام الموظف السكرتير انه الرد بيكون في اقل من شهرين وقال اذا ما جاك رد بعد شهرين اعرف انها مو من نصيبك

السلام عليكم

يااخوان فيه أحد عنده علم بخصوص تخصص ( إدارة أعمال ) متى ممكن يتصلوا عليهم بخصوص المقابله

الي سوا المقابلة ينسات موضوعهاا واهتمو بالارقاام الي تكون رقم هاتف

ياليت اللي عنده علم عن موعد الرد بالقبول النهائي يخبرنا

اتوقع الموضوع مطول وطريقتهم بدائيه يمكن حتى في القبول ماراح يعلنون عن شيء

اللي ينقبل بيتصلون عليه فيعني انسوها وركزو ع المقابلات الاخرى

انا اتصلت عليهم أمس قال لي موظف لسه ما صار شي قلت له يعني أسبوع جاي قال قول ان شاء الله


وقال كذلك الي اجتاز مقابلة و شروط صندوق مطابق لها ....ا راح يتصلوا عليه

مو منطق للحين ماوظفوا المقابلات مبطي انا مقابل بشهر ١١ هجري ٤ شهور ماوظفوا!!!!!!

الاكيد وظفوا وخلصوا

السلام عليكم
هذي أول مشاركة لي ,,
يوم الاحد أتصلت عليهم وقالي لسه ( للعلوم الزراعية = باحث زراعي ) ام باقي الوظائف ماعندي علم والله .
وان شاء الله يوم الخيمي راح اتصل عليهم وأشوف وش يقولون .
شكلهم مطولين والعلم عند الله .
سؤالي المقابلة وانتهت ؟ وش يبون الحين هل في اختبار لجميع الوظائف أو اختبار لوظائف معينة .
الحين حنا مقابلين شهر 12 والي اعداد هذي الشماركة ما صار شي .
# ارحمو قوم عزيزا ذل وش يبون مأدري والله #
تخرجنا من الجامعة وقدمنا عليهم قالو لازم خبره يبون خبره جبنا خبره تمحطنا بالشركات وقلنا ماشي الحال والحمد لله على كل شي .
( أنتظر وظيفة حكومية من تسع سنوات والي الان ما صار شي من عام 2006 متخرج )
ما اقول الا حسبي الله ونعم الوكيل ممكن في الامر خيره .

الله يكون بالعون بالسعودي

الواسطه الواسطه الواسطه

انا تقديري جيد جدا ولكن للاسف بلا واو
ولي سنه عاطل

تجيهم ثانوي يقولك لازم جامعه تجيب الجامعه يقولك لازم معدل تجيب معدل يقولك خبره تجيب خبره يقولك انجليزي

و و و .... الخ

واستطعنا بس ماستطعنا والله يعين