السلام عليكم ورحمة الله وبركاته


عندي استفسار مهم جدا ابي جوابه ضروري الله يخليكم






انا طلع اسمي من ضمن الاسماء الحمد لله وباقي يوم واحد فقط على المطابقة


حاليا عندي ظروف ما اقدر ارتبط بالعمل كمدرس في الوقت الحالي

سؤالي هو لو مارحت للمطابقة هل يستبعد اسمي نهائياً يعني ما اقدر اقدم السنه الجايه او بعدها ؟؟؟

و ايش الاجراء المتبع في هذي الحاله ؟؟؟؟




شكرا لكم

أخوي الي أعرفة ان مافيه أي إجراء إلا إذا وقعت المباشرة ولم تباشر بموعد المحدد لك بهذه الحالة عليك أجارت لكن لا اعرفها لكن قبل توقيع المباشرة ماعليك أي شئ إذا لم تحضر للمطابقة ولم توقع المباشرة

اذا ماتقدر تباشر

الافضل تتوقف الان عند المطابقة وماتكمل

لان الترشيح النهائي يدخلك اجراءات ثانيه واوراق اعتذار وغيرهم


ومايضر انك تروح للخدمه المدنية يوم المطابقة وتقول لهم وضعك وتنسحب بدون تطايق

اخوي اذا ماتقدر تداوم السنه هذي لاتروح المطابقه
لانه لو طابقت وبعدها اعتذرت يمكن تجلس سنتين تركض وراهم عشان ينزلون اسمك وتقدر تقدم من جدد

لكن نصيحه لاترمي النعمه اللي جت لك
وحاول تضغط نفسك وتداوم هالسنه
ماتدري السنه القادمه ايش ظروفها وايش شروطها

السلام عليكم ورحمة الله وبركآته...

اسعد الله اوقاتكم جميعآ....

اسأل الله يعينك وتتجاوز هذه الظروف انت وكل المسلمين في كل مكآن..

اعتقد انها اتتك فرصة قد لاتتعوض والله العالم...

قد تواجه متغيرات السنة القادمة من درجة قياس وشرط التربوي والمعدل وما الى ذلك . اعداد الخريجين في تزايد والوظائف محدودة...



أذا لم تطابق في الموعد المحدد....اعتقد سوف يعلن اسماء الذين لم يطابقوا مع اعلان الاسماء للذين طابقوا يوم 22 لأعطائهم فرصة ثانية...والله العالم

ولكن انصحك بالاتصال بخدمة آمر بموقع وزارة الخدمة المدنية وسوف تحصل على الجواب اليقين منهم..

تقبل تحياتي ..وبالتوفيق للجميع.

وانا اقولكـ برضو رزق وجـــاك مهمـــا كانـــت ظروفــــك

صراحـــة في ظــل الوضع الحـــالي وكل شوي قــرار من هالـــوزارة

يمكـــن ماتحصـــل لك مــره ثانيــه ،،

لاتضيع الفرصة يمكن ماعاد تتاح لك مره ثانيه

اللحين الظروف خدمتك لان كثير مااجتازوا قياس

اما اغلب المجتازين كانوا على الحافه مايدرون ان درجة قياس بتنحسب

لكن السنه الجايه بتلقي كثير مجتازين قياس وبدرجات عاليه لأنهم خلاص عرفوا وانقرصوا منه

وراج يشدون حيلهم بقياس ,,

السلام عليكم

اشكر كل من رد على الموضوع وكل من نصحني

لاكن يشهد الله لو فيها مجال ما ضيعت الفرصه، لاني رح اكون خارج المملكة الفترة القادمة لظروف لاكن لعلها خيره لي.


ارجع للموضوع وعشان يكون مرجع لكل من مر في وضعي :

اليوم بعد الظهر رحت فرع وزارة الخدمة المدنية بالرياض ودخلت على مدير التوظيف اسمه ياسر ((نسيت اسم العائله))

وشرحت له المشكله بالتفصيل فكان رده لي :

"يا ابني عادي جدا لا تطابق الان ، واي مسابقة جايه تقدر تدخل فيها. ولا عليك اي شي."




الحمد لله طمني كثير، والله يعوضني وختاما اقول شكرا لكل من نصحني وتجاوب معي

( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ ).