السلام عليكم ورحمة الله وبركاتة


المشكلة البعض راح يشوفه ثانوية وعادية والبعض بيشوفه حق من حقوقي

المشكلة باختصار المؤسسة الي اشتغل فيها غير معتمدة لدى البنوك كلها

يعني لمى رحت باخذ قرض من بنك الراجحي الي ينزل راتبي فيه قالو غير معتمده لدينا فريت على البنوك نفس الحكاية

كلمة صاحب المؤسسة قلت اعتمد المؤسسة واذ كسلان عطني وكالة اعتمدها قال مراح تعتمد المؤسسة تبي تشتغل اشتغل ماتبي اضرب الباب غيرك الف

صح ان الدوام فله وفي الحقيقه مافيه دوام دوامي يوم ومدته اربع ساعات اخذلك فره على المحلات واجرد الي عندهم والله يستر علي اجيهم بعد اسبوع يعني راحة لاكن انا شخص ابي قرض عندي طموح وابي اسوي طموحي.. والراتب في الاساس 3000 يعني مستحيل بعيش سنتين او ثلاثه على هذا الراتب وعندي مشروع يدخل مبلغ محترم شهريآ... وابتلشت في هذي المشكلة


وش تشوفون انسب حل بعيدآ عن مشاكل مكتب العمل والفوضى

طيب رحت لبنك الرياض ...؟

ومن ناحية دوامك طالما انك مريح فيه خلك عليه

وضعك بالدوام حاليا ارض خصبه انك تبداء مشروع لان ما عندك عمل

فيه وظايف ممكن تعطيك اكثر من راتبك ذا _ لكن تاخذ وقتك كله _

حتى انك يالله تفضى تخلص احتياجات اسرتك _ فضلاً عن انك تسوي مشروع .

لو وافق البنك انه يعطيك القرض ماراح يزود عن ٥٤٠٠٠ تقريباً بحكم راتبك

المبلغ ذاحاول تدبرهـ من مكاتب تقسيط او اشخاص _ وخلك بوظيفتك _ راح تكون دعم لك

اخر سطر على حسب مافهمت انك بتقدم فيهم شكوى

انا اختصر عليك الطريق واقول راح تتعب وتخسر وظيفتك دون اي فائدهـ تذكر .

والله حاليآ وانا جالس . اكتب . هالســـطر. افكر بفكـرتين. الاولى . ادور الي حط فكرة. اعتمـأدية . الائتـمانية وافقع وجهه.. والفكرة الاخر ازور اوراق اني موظف حكومي وكلهما تذهب بـي الى السـجن

اخوي الي اعرفه ان البنوك لها شروط اصلا معقدة بالأعتمادية مثل رأس مال الشركة الي انت فيها
والاصول الثابتة حقتها والضمانات ودوخة مو بسيطة وممكن البنوك ماتوافق اصلا تسوي عقد بينهم وبين شركتكم
وعلى فكرة لو تشتكي ماراح تطلع بشي لان النظاام ما الزم صاحب العمل بأمور القروض هذي
والله الموفق

ما انصحك بقرض البنوك لانها ربوية ولا فيها خير

عندي لك حلين

هذا النظام موجود بالشركات مدري عن المؤسسات
انك تاخذ مجموعة رواتب من المؤسسة لو يعطوك 15 راتب يكون ممتاز ويقسطوها لك

او انك تشوف واحد من قرايبك يعطيك سلفة 50 الف وترجعها له اقساط مثلا كل شهر 1000
تحولها على حسابه

الحل الثاني اشوفه افضل لك والله الموفق

انا بعد من راي الاخ شوف لك احد تتسلف منه وارتاح من البنوك ووجعت الرأس

او شوف لك شريك برأس المال

ي اخوان الحين ابوك ولا اخوك مستحيل يسلفك من تبي يسلفك

اذ الوالد جالس اشرحله الفكرة ومتحمس وفي الاخير كلمة حسستني اني وظيفتي بالحياة قهـوجي (صب قهوه وانا ابوك ويصير خير) من هذا المنطلق وهذي الكلمة القاسية جد’ وعديمة الشفقة على الحياه البشرية بغيت اقوم افسخ وارقص دقني في المجلس من القهر ي ابتي ي ابتي الغالي ساعه ونص اشرحلك المشروع وفي الاخير صب قهوه ماعلينا الله كريم

وسالفة البنوك ربوية او لا ماضن.. لين كل بنك وله هيئة شرعية .. والغالب ترى اسهم وخشب وحديد

والود تكون من البنك علشان لاقدر الله صار شي مايكون فيه حساسية بيني وبين هالشخص الي تسلفت منه يعني اضعف الايمان البنك يصكك في قائمة سما ومتى ماسددت نزلنا اسمك بدون حساسية او اي شي

واما سالفة المؤسسة تعطيني 15 راتب والله اضن لو اعلمة بيصيبه جلطة ويتوفى بسببي

فـأنأ حصلت ناس تطلع لي قرض بس اسعارهم فلكية شوية ارخص شخص لقيته قال 15الف انهبلت الا شي بسيط لا وناوي ينكبني باوراق مزورة