السلام عليكم ورحمة الله وبركاته اول مشاركة لي في منتداكم الجميل وحاب اقولكم قصتي وابغى حل لها

يا اخوة انا الله فتح علي وفتحت لي مؤسسة مقاولات واخذت مكتب ونقلت عمال واخذت مشروعين وعملت فيهم وانجزتهم واموري عال العال كانت والحمدلله

بس فجاءة لقيت الزكاة والدخل تطلبني مبلغ وقدره ولقيت التامينات الاجتماعية تطلبني ورواتب السعوده وبنفس الوقت المطالبات هذه جتني دفعه وحده جتني مطالبات مكاتب تابعه للمصانع للمواد الي كنت اخذها المهم الي طلعته من هنا حاولت ادفع واسدد لكن ما قدرت اسدد الا المصانع الي اخذت منها مواد لانه وش مربحي كان 70 الف على المشروعين بمعدل 35 الف لكل مشروع والتامينات الاجتماعية طلعوها علي 56 الف لحالها والزكاة والدخل يقولون علي 20 الف علما اني ما عندي كان الا 11 عامل فقط بس واحد معقب الله لا يوفقه ولا يسامحه جمع سعودين سجل اسمائهم انه على اساس ياخذون رواتب من الموارد البشرية وانه بيدفع نص راتبهم للتامينات والنص الثاني ياخذونه ولبسني بالحيط وما اخذت الا مشروعين واحد ب 210 وواحد ب 240


طبعا هذا الكلام والشرح المطول كان لغرض معين دورت بحثت استجديت ادبر حالي عجزت كل السبل وقفت بوجهي وصارت المؤسسة حمراء والعمال نقلو والمكتب وتقفل والحمدلله الله يعز وزارة العمل والتامينات الاجتماعية والتجارة والحكومة

الزبدة رحت برنامج كفالة اني اشوفه او اقدم عليه طلعو لي مليون عله وعله والا اجيب لهم مشروع حكومي طيب لو عندي مشروع حكومي ما جيتكم يا برنامج كفاله شركات تدعمك بالي تبي

بنك التسليف يقولون لا نمول المقاولات

عجزت والله وصرت افكر اروح قطر او الامارات او البحرين واشتغل اي شي هناك ان شاء الله عامل لان دولتي ضرتني للاسف وما عزتني ولا خلتني حتى اني اعز حالي يا ليت يا شباب لو تعرفون كيف اقدر ادبر المؤسسة عن طريق ها البرامج الي يقولونها ونسمع عنها ودعاياتها مالية الدنيا اكون لكم شاكر او اي طريقة مناسبة الوضع مأزوم معاي والله الشاهد تحياتي لكم