14-08-2014, 01:32 AM
|
 |
عضو مهم جداً
|
|
تاريخ التسجيل: Sep 2011
الدولة: هناكــــــــ ♡
المشاركات: 516
معدل تقييم المستوى: 145470
|
|
وعليكم السلام ورحمة الله وبركاته
الخطوه الاولى _ تروح تدور على محل ( وتراعي انه يكون له واجهه حجر _ سقف مستعار .)
اذا كتبت العقد _على ابن قاسم وشتر مكتب وكرسي وعدد 2 كرسي للي بيجونك  و مكيف
اثث المحل فيهم و اطلع للخطاط وفصل ولوحه 1*1 تكتب عليها اسم المؤسسة يعني مؤسسة فلان بن ......
اللي اقصدهـ ماتكتب اسم تجاري من راسك لان له شروط _
و فريرهـ على البلديه _ تصور معك العقد وبطاقتك _ وتحطهم بملف )
لما تجي للبلديه _ بيقولك ارسم كروكي للمحل وتوكل __ عشان يطلعون عليه _ وبيحددون لك وقت لمراجعتهم .
لما تجي للموعد المحدد بتلقاهـ مجهز لك ورقه للدفاع المدني
روح للدفاع المدني _ لاجراءات السلامه _ طفاية حريق .
المهم اقرب عسكري تعرفه يخلصك بدون مايطلع _. وبعض الناس يروح لمحل السلامه ويقول بعطيك 20 ريال بس عطني فاتوره اني شاري من عندك كم طفايه . المهم امرها سهل _ اذا وقع لك ورقة البلديه اللي عطوك _ ارجع
للبلديه بيقول سدد رسوم الرخصه وغالباً ماتقل 120 ريال لسنه تقريبا _ وعلى حسب حجم اللوحه .
لما تسدد ارجع لهم يطبعون لك الرخصه .
بعدها على الغرفه التجاريه _ عطهم صورة العقد والبطاقه _ بيعطيك نموذج اشتراك جديد _ تعبيه وتسدد المبلغ 800 ريال رسوم السنه للاشتراك _ وانتبه لشغله مهمه _ الاشتراك ينتهي كل نهاية سنه ميلاديه حتى لو اشتركت قبلها بيوم _ وراح يطبع لك شهادة انتساب ( اشتراك )
|
العرض العادي
