السلام عليكم ورحمة الله وبركاته اخواني واخواتي حبيت ان اسال عن حل لمشكلتي التي قد عانى منها الكثير و رايتم ماحدث بالامس عن احتياج المناطق بالنسبة لي كانت جدا بعيده زوجي رفض الذهاب لي ظروف عمله ووالديه والدي مصاب بالجلطه ولايستطع الذهاب معي رغم الظروف الخاصه الصعبه لدينا والله اني كنت فرحه عشان التقديم وفجاة والا بالا حتياج بعيد بالنسبه لي مع ذالك حرمت كلية اعداد المعلمات من التقديم على الماجستر بحكم عدم دراسة بعض المواد ياليت تترتفع اصواتنا لي حبيب الشعب ابومتعب وتتعين كل من اجتازت قياس وتعاني من ظروف خاصه في منطقتها حبايبي ياليت تساعدوني في طريقه التقديم على جداره حتى تساعدني على ان يتم تعيني في نفس المنطقه ويارب لاتحرم كل من اجتازواجتازت قياس من التعين عاجل غير ااجل وشكرا لكم

وعليكم السلام و رحمة الله و بركاته

سلامتك والدك و أسأل الله ان يشفيه شفاء تاماً لايغادر سقما

بعدين هذي وزارة و لها شروط و ضوابط تمشي عليها يعني مستحيل تنظر لظرفك الخاصة و تعينك بالمكان اللي تبين
يعني ممكن تطالبين بزيادة الاحتياج و اتاحة الفرصة لك بمناطق قريبة
و بالتوفيق

اذطلع اسمك طلبي نقل خاص اللي عندهم ظروف يقدموا على النقل ينقلونهم .ان شاءالله عرفتي قصدي

اسال الله يشفي والدك ويرزقك من حيث لا تحتسبي

طالما المناطق ما تناسبك مانتي مجبرة على التقديم ..واذا حابه زي ماقالو لك البنات قدمي واطلبي نقل

ادعي ربي يسهلها وان شاء الله السنه الجايه يكون فيه احتياج بنفس منطقتك..

شوفي حبيبتي
انا اشوف انك تتبعين رزقك وين ماكان
والايام تمشي وتسكنين مع بنات طيبات بإذن الله
وممكن يجيك نقل وتقربين لديرتك لين تصيرين داخلها
بس نصيحتي لاتضيعين الفرصه

والوالد ماعليه الا العافيه يارب
وماطنتي تنقلين عشان حالته لانك متزوجه
وربي يرزقنا وياك هذا الشهر ويفرحنا ويتمم فرحتنا

أسال الله رب العرش العظيم أن يشفي والدك وجميع مرضی المسلمين..
ويرزقك بوظيفه قريبه من سكنك ..