وانا معكم متحمسه مع ان اول مفاضله لي وخريجة من سنتين ... الله يوفقنا يااارب

حماس وتوتر ، هذا وقتي انقضى بين هالشيين
ما اقول غير الله يكون بعون من يترقب التعيين

وشرايكم بشعري ؟

ههههههه ع بالي كلام عادي لين ماقلتي وش رأيكم بشعري؟ رجعت قريته مرة ثانية
حلو حلو كملي

الله يسعدكم مت من الضحك 😅مع الى تهاوشت مع إخوانها عشان تقضي ان شاءالله تقضين وتفرحين بالتعين

اقل إحتياج ، أصعب وأبعد مناطق، واقصر مدة تسجيل واكبر عدد متقدمات ومع ذلك بِداخلنا أمل الله يرزقنا جميعآ ،

والله يابنات كلامكم يجيب العافية ويخلي الواحد جداً متفائل بس تكفون لاتزودون العيار شوي وتقعدون تفكرون بأشياء لسه بعلم الغيب وتشيلون هموم وأنتم ما تدرون يمكن ربي يفككم منها أعرف وحدة متزوجة وعندها أطفال ومن يوم ماقدمت وهي لا ليلها ليل ولا نهارها نهار تفكر بهالبزران وين تحطهم وتحاتي مدارسهم ياعمري لدرجة إنها نقلت هالتوتر والقلق لعيالها وزوجها خلاص وكأن طلع تعيينها ,,, فنصيحة خلوا تفكيركم وتفاؤلكم إنه إن شاء الله ترشحون وتشوفون أساميكم وإذا ترشحتوا إبدأوا تخطيطاتكم ,,,, وبالنسبة لي أنا متفائلة والأمل بالله كبير بس متوقعة عدم ترشحي أكثر لقلة الإحتياج وكثرة المتقدمات والله يوفقنا وإياكم لما فيه الخير والصلاح دنيا ودين

مضى علي تخرجي تسع سنوات وشوي
وكل سنه هذي الفتره اتربع في مجلس حلول البطالة واتقهوى واسولف مع البنات
ويرحلون ويتعينون ويفلحون وانا لازلت مكانك سر
ارحل عن المنتدى وارجع في هذة الفتره ارفع معنوياتهم ويرفعون معنوياتي
نتفائل شوي نبكي شوي نفرح شوي نضحك علي بعد شوي
حتى تنتهي هذة الفترة
وهذا انا معكم اليوم ولازلت متفائله
وش نسوي الرزق علي الله ..مسأله محسومه منذو الازل
وعرفة ان رزقي لن يأخذه غيري فطمئنا قلبي
اسال الله ان يوفقني وياكم ويرزقنا بالتعيين كل وحدة في منطقتها
اللي تبي..آمين