انا عندي هواية وافكار جديده في تصميم الحفلات بكل انواعها وتصميم ديكور المقاهي وطموحي اكون سيدة اعمال في المستقبل في هالمجال وحابة ابدا مشروعي بس ماعندي راس مال للبدأ في المشروع فعشان كذا حابة ابدا هالشي اني اشتغل مع احد عنده محل او عنده نفس فكرة المشروع بس ماعنده تصاميم او افكار جديده يبدا فيها طبعا انا كان بودي احتفظ بافكاري اني ابدا فيها انا بشكل شخصي
لكن المشكلة في تمويل المشروع .. فحابة ابدا مشواري كمصممة وعرض افكار لاصحاب نفس المجال لحد مااجمع مبلغ معين ابدا فيه بشكل مستقل ويكون لي اسمي الخاص

اللي يعرف احد ممكن يساعدني في هالموضوع يراسلني على الايميل
princess-o-rose@hotmail.com

وشكرا

[align=center]
اختي الكريمة في عدة جهات تمول مشروعك من ضمنها ريادة و بنك التسليف و باب رزق جميل التمويل من 50 ألف ريال إلى 300 ألف ريال قدمي عليهم وامورك في السليم و بالتوفيق للجميع
[/align]

الله ييسر امرك استمري لحد ماتحققي طموحك بالتوفيق

الله يوفقك اختي
وعلى فكرة هذه الطريقة الصحيحة انك تجمعي مبلغ وتتعاملى بالشغلة قبل البدئ فيها وحتى تبدعي اكثر.

انا حابب هالمجال كثييير وان يسر الله لي بيكون لنا تعاون معاك.

شكرا لكم الله يوفق الجميع
ويسلمو ااخ سلطان بما انها الطريقه الصحيحه رح استمر فيها انا قلت كذا بعد
اشتغل لحساب احد واثبت نفسي وبعدين شوي شوي اكون نفسي ورح اكون سعيده بالتعامل معك

لا يضيع عمرك تدورين شريك او ممول
ابدأي بنفسك
مشروعك تصميم يعني بدون بضاعة ماتحتاجين راس مال
شوفي اي بنت بتسوي حفلة حولك لو حتى تسأل او تستفسر في المنتديات واعرضي عليها تنسيق الحفل مجانا او بسعر رمزي مقابل التصوير
ولفي المحلات الصغيرة نسقي على ذوقك افضل الموجود وبيطلع الحفل رائع
طبعا هي بتدفع قيمة ايجار الاغراض لكن جهدك هو اللي بسعر رمزي وانشري اسمك في الحفل وصوريه ووكذا

السلام عليكم
لدي تصريح من وزارة الاعلام بشأن التصوير الاحترافي
جاهز لتصوير الاحترافي جاهز لحفلات و مناسبات الاجتماعية و مؤتمرات وغيرها
بأحدث كاميرا


(( رجالي ))

مزيد تفاصيل التواصل بالخاص


والله يكتب فيه الخير للجميع

تنسيق الحفل شي والتصميم شي ثاني
انا ابي اشتغل على التصميم يعني لازم راس مال واذا بستاجر من المحلات واحط تصاميمهم في حفله مااستفدنا شي وين افكاري هنا ووين الجديد انا ابي خامات اشتغل عليها من اول و جديد بتصاميم من مجهودي وخيالي لان طموحي اكبر من اني اختصر المسافات بتصاميم مكرره في السوق واجي استخدمها انا لو كنت افكر في الموضوع بشكل مادي فقط كان رحت وسويت زي ماقلتي استخدم الموجود بس انا تفكيري اكثر ابي اثبت قدراتي واخلي الناس تشوف ابداعي واكون اسم في المستقبل

وثانيا انا ابحث عن شريك بالشغل مو بالماده لان ماعندي سيوله. لو عندي كان بديت فيها شوي شوي وثانيا عشان مشاكل الشراكه المستقبليه اللي نسمع عنها لو مزح معاه مزح ثقيل قال عطيني حقي . والتمويل من الشركات فيها شروط وسالفه طويله انا مبدئي اني اشتغل عند احد عنده محل او يزاول نفس النشاط هو يستفيد وانا استفيد ومع الوقت اوقف على رجلي وانفصل بشكل مستقل واكون اسمي لحالي

اخواني وخواتي اللي راسلوني على الخاص مااقدر ارد عشان عدد المشاركات لازم 30
ارسلو على الخاص ايميلكم واراسلكم عليه او راسلوني على ايميلي

ماشاء الله لا قوة إلا بالله