الله يرفع قدرك عز الله انك لحية غانمة

ماسوينا شي حق وواجب

السلام عليكم ورحمت الله وبركاته ياشباب تكفون فزعتكم يوم الاحد الجاي 10/28 اختبار تحديد مستوى لي ( يارررب توفقني فيه ) المهم انا عندي سبع اسئلة اتمنى ان واحد متدرب بالمعهد السعودي التقني للخطوط الحديدية SRP هو الي يرد على الاسئلة
1-بعد مااخلص من السنتين ونص كم راح تكون فتراة العمل يعني فيها كرف واجد

2- انا من حائل وابي سكن يقدرون يأمنون لي سكن واذا لا فيه سكن قريب لهم ورخيص

3- وماهو المقصود بالاجازة المدفوعة السنوية

4- وش نظام الراتب والمكافأة والمميزات والقسم راح يكون اجباري ولا اختياري يعني انت تختار قسمك ولا هم يحطونك بأي قسم

5- وهل مستقبله مضمون ولا لا يعني لو دخلت وتوظفة على رأس العمل وبعد كم سنة يقدرون يطردوني ولا لا قصدي مثل الشركات متى مابغت تطرد تطرد

6- هل معهد السعودي التقني للخطوط الحديدية SRP حكومي ولا خاص

7- كيف هي اسئلة المقابلة وكيف راح يختبروني اتمنى ان الي اختبرها يرد علي ويقول كل شي

اتمنى تردون علي بأقرب وقت والي عنده خبره عن المقابلة كيف تتم يعلمنا واسف على الازعاج وثقل الدم
وادري اني طولت عليكم بس هذا مستقبل وعلى فكرة انا مقبول بجامعة حائل مسار هندسة وسمعت ان المعهد فرصة العمر وش رايكم ادخل المعهد ولا الجامعة واخوي عاطل يعتمد سمعت انك متدرب بالمعهد اتمنى ترسل لي رقمك بالخاص الله لايهينك تكفى هذا مستقبل والله ماراح ازعجك بس فيه كم سؤال وسلامتكم

انتظرك ياعاطل معتمد او اي احد عنده خلفية صحيحة ماابي توقعات المقابلة يوم الاحد بليييز رد علي قبل الاحد

بالنسبة للتخصص على كلامهم الدافور يختار تخصصة اما الباقين اجباري

السكن انت تستاجر المعهد مايأمن لك شي وفية حول المعهد شقق الاسعار تختلف من شقة لشقة ومن نظافتها

المعهد تبع شركة سار وهي شركة حكومية تابعة لادارة المشاريع بالوزارة المالية ومستقبلها كبير

ماتقدر تطردك الشركة الا اذا كنت راعي غيابات وماتداوم طبيعي بتطردك حتى العسكرية بتطردك اذا راعي غيابات

اما من ناحية الدوامات ماعندنا علم بالشركة كون انها جديدة وللحين مافتحت المحطات كلها تنبني

اما من ناحية الجامعة والا المعهد انا من رائي انك تستخير
ماضاع من استشار وماخاب من استخار

من ناحية المكافاءة السنة الاولى ٢٠٠٠ والثانية والتطبيق ٣٠٠٠

اما المقابلة راجع الصفحات اللي قبل كتبت عنها كلام كثير اعذرني ماقدر اكتبة الحين لانة كثير لاكن راجع الصفحات

لاكن حبيت اسألك سوال يوم الاحد عندك مقابلة والا اختبار بالبداية تقول اختبار تحديد مستوى وبعدين قلت مقابلة ياليت توضح لي

وبالتوفيق لكم جميع وان شاء الله انكم من المقبولين لاكن لاتنسى الاستخارة قبل كل شي

لا انا اختبرت بس من زود الخوف كتبت فوق تحديد مستوى المهم انا اختبرت ودقوا علي امس الخميس وقالوا موعد المقابلة يوم الاحد ١٠/٢٨ وسألتهم تحتاجون اوراق قالوا الي جبتهن معك يوم اختبر اختبار تحديد المستوى الي هن صورة شهادة الثانوية وصورة بطاقة الاحوال وبس يعني اجي للمعهد بدون شي والاوراق عندهم يعطونياهن قبل ادخل المقابلة
بس انا حبيت اشوف لها مستقبل ولا لا وسلامتك

لاتخاف من ناحية النستقبل فمستقبلها كبير
ولاتخاف الدعوى سهالات اذا خفت ممكن يطردونك خلك ضحوك معهم وحاول لاترتبك اللي قدامك اوادم كل يوم تشوفهم زيك زيهم وراجع الصفحات اللي قبل علشان تعرف وش اللي لك واللي عليك بالمقابلة

ي اخوان كلمت المعهد وقالوا نرد لك خبر يوم الاحد انت مقبول ولالا

الزبده انا مخلص تحضيري في جامعة الامام وتخصصت علم اجتماع تنصحوني اكمل ولا اتوكل على الله واخش المعهد

اتمنى الكل يدلي برأيه

يااخوي عاطل معتمد ابي منك طلب اذا مافيه ازعاج

ابيك تقول لي وش صار معك يوم اختبار المقابلة معك والفحص الطبي وش صار معك ابيك تقول كل شي تكفى وعلى فكرة راجعت الصفحات الي قبل بس ابي وش صار معك انت يوم المقابلة والفحص الطبي واذا قلت كل شي راح تفيدني بشكل كبيرررر وتفيد الاعضاء بعد وكل من يشوف ردك



انتظر ردك بأحر من الجمر واعتبره اخر سؤال

الامنية عقيد مالك الا الاستخارة استخير ربك مرة ومرتين وثلاث هذا مستقبل وعلم الاجتماع تخصص حلو

اما بالنسبة لخالد العنزي
او ماتدخل تسلم عليهم ولا تجلس لين يقولون لك اجلس
وخلك مبتسم ولا ترتبك ولا تشبك يدينك حاول تحرك يديك وانت تتكلم
سألوني كم عمرك ومن متى متخرج المهم انا لي ٥ سنين متخرج وقالوا وش سويت من يوم تخرجت وين رحت وايش سويت طبعا كانوا ٢سعوديين وواحد بريطاني وعلمتهم كل شي
وقالوا للبريطاني تبي فية شي قال اية وش اسمك تهجاء حروف اسمك وكم عمرك واين ساكن قلت الرياض قال كم تبعد الرياض عن بريدة وايش تحب تشوف بالتلفزيون وايش لعبتك النفضلة هذا كلة بالانقلش
وبعدها سألوني السعوديين كيف سمعت عن الشركة وقلت عن طريق النت وايش اسم الموقع قلت منتدى البطالة
قالوا وش قريت عن الشركة والمعهد قلت الشركة جديدة وهي قطار الشمال من الرياض الى الحديثة
وقال تعرف وين مكان المحطات قلت اية بالرياض والمجمعة والقصيم وحائل والجوف والقريات وحزم الجلاميد والبعيثة وراس الخير
قال ليش ماتتوظف بماكدونالدز براتب ٥٠٠٠ احسن من تدرس ٢٠٠٠ قلت انا كنت بماكدونالدز براتب ٢٧٠٠ وفصلوني بسبب دعم الصندوق
وخلصوا اسألة قلت الحين انا بسألكم قالوا اسأل قلت هل الوظائف رسمية والا شركات مشغلة كنتراكت قالوا الوظائف رسمية من اول يوم تدريب

وخذوا راحتكم بالاسألة انا بخدمتكم
اخوي خالد لاتحسب اني متظايق من الاسألة بالعكس انا مبسوط اني اخدمكم