طبعا حنا كان فترة التقديم اسبوع او اقل اما انتم شهر ونص
وحنا كل شي سريع سريع يعني اختبرنا وقالوا بكرة لنتظروا اتصالنا والمقابلة كانت بعد الاختبار بيومين

اما بالنسبة للشقق فية واحد لاكن احسن ان الاستراحات ارخص اذا كنتم مجموعة

اما بالنسبة للرواتب حنا وقعنا العقد وقد بدينا دراسة ممكن حول الشهر ووقعنا ان الراتب مايقل عن 7000 شامل البدلات
وقعنا حاليا على بدل نقل وبدل سكن وفية بدلات بعد التخرج
اما الراتب الاساسي ماعلمونا على حسب تخصصك بعدين يعلمونك حنا للحين ماتخصصنا

لاتعبتوني ولا شي دام اني اعرف المعلومات راح اخدمكم لين تنقبلون ان شاء الله

اما المقابلة

٢ سعوديين وواحد اجنبي
بيقولون لك تكلم عن نفسك يعني وش سويت خلال بطالتك
وكيف سمعت عنا وليش تدرس ليش ماتتوظف بالشركات احسن من الدراسة وخلوكم صاملين انكم تبون المعهد وانة مستقبل الشركة زين وانها جديدة
طبعا انتم اقروا عن الشركة كل شي متى تنفتح وانها تملك اكبر قطار بالعالم قطار المعادن طولة كيلوين و٧٠٠ متر تقريبا
ومن ذا الكلام

اما الاجنبي راح يسألك وش اسمك تهجا حروف اسمك كم عمرك وش تحب رياضة وش تحب برنامج بالتلفزيون
وين ساكن وكم تبعد منطقتك عن بريدة اسألة عايدية
واللي ماعرفتة قل ماعرفتة لاتحرج نفسك بشي

بالتوفيق لكم

اخوي عاطل يعتمد ،،
شكرا على تفانيك وردك على اسئلتنا ،،

انا معك اخوي انها شركة كبيرة وافضل من بعض الشركات ،،
لكن انا معي بكالوريس ،، اشوف انها صعبة ان ادرس سنتين ونصف واخذ دبلوم ،،
إلا إذا راح يتم إضافة الشهادة الجامعية واخذ مميزات ، فهذه ممكن ،،

وبخصوص بنود العقد اللي وقعتوا عليها ، هل فيها اللتزام بان استمر معهم ،،،ياليت تتاكد لي من النقطة هذي ،،،
الله يحفظك ومشكور على تفاعلك معنا

السلام عليكم أخواني
أنا نسبتي 89 وقياس 80 ولا اتصلو علي خلاص راحت علي ولا في فرصة

الله يحرم وجيهكم عن النار

^^
والله اخوي انا نسبتي اقل منك وقدراتي اقل . .
وقبلوني . . وفيه ناس كثير قبلوها اقل من معدلك ومعدلي . . ولأكن فيه سبب انهم ما قبلوك ما ادري بس ممكن مخطي بالرقم انت لأن هم اول مرة دقو علينا من رقم بدايته 050002 وقبل الاختبار بيوم ارسلو لنا رسالة تاكيد ان الاختبار يوم الثلأثاء اللي هو امس واليوم فيه دفعه ثانيه تختبر وهي اخر دفعه
وتراهم ما يرسلون عالبريد الالكتروني اي شيء . .
كلمهم وتاكد ي بعدي . . وعساه يوفقنا جميع

الله يعطيك العافية شمالي
لكن عندك رقمهم أتصل عليهم لاهنت ؟

والله ياخوك رقمهم ماهو معي بس شف عاطل يزبطك كلمه وما يقصر اكيد عنده علم . .
وان شاء الله لك محل معنا وادع لنا ي غالي . .

الله يوفقكم جميع ويجعلكم من المقبولين .

اللي معة بكالريوس والله صعبة تدرس من جديد ودبلوم لاكن اذكر ان العيال يقولون فية تقديم بكالريوس بالشركة وبكرة توقيع العقود او المقابلة ماني متاكد في المعهد
وهذا رقم تلفون المعهد ورقم الجوال 0163263663 ،،، 0500088148

الشقق اللي اذكر صالة وغرفة ودورة مياة وانت بكرامة ومطبخ 1500 بالشهر بدون مكيفات واثاث
وغرفة ودورة مياة 500 بالشهر
الاستراحات كل 6 اشهر 19 الف بالسنة مع المكيفات والمطبخ طبعن الاسعار على حسب فية 10000 وفية 14 الف

حنا مستاجرين 19الف عددنا 5 كلنا من المعهد كل واحد يدفع كل 6 اشهر تقريبا 1800 ريال يعني بالشهر 300 وشوي اذا كنتم مجموعة بتخف عليكم

اما النوادي فية وقت اللياقة بيريدة لاكن مادلة لاكن ماهي حول المعهد
لاكن فية شقق واجد حول المعهد



وعلى كلام اخوياي المقابلة ان شاء الله الاحد والاثنين
يعني خلوكم مشغلين جوالاتكم بالليل دايم مكالماتهم 12 بالليل وحولها