السلام عليكم ورحمة الله وبركاته يا شباب بغيت اسال وش وضع الدوره مع المدخن واحد من العيال دورته بعد شهرين وهو راعي تدخيين وخايف انه ما يكملها والمشكله الرجال يبي الصاعقه بعد عطونا وضعكم بالدوره في الهروله والتمارين يمديه يتأقلم ولا لا

انا اعرف كثيرين يدخنون ومشت أمورهم لأكن بيتعب ويتبهذل اول أسبوعين بعدين خلاص يتعود ويطلع الكربون الي فيه

يحط براسه لما يدخل مع البوابة

يطلع بالشهادة او لايدخل من الأساس

واغلب الناس اللي تخرجوا مدخنين صح بالبداية بيتعب لكن
مسألة وقت وبيتأقلم ويحط براسه ان كل شي بيقابله جزوات
وتنفيس وسرقات وكل شي ..

والدخان موجود داخل لكن باسعار مبالغ فيها يعني يحصل العمالة تبيعه
ب خمسين الى ميه ..

وبالتوفيق له وللجميع ان شاء الله

عنده فرصه شهرين
يقلل منه يومياً
وكل يوم يجري نص ساعه على الاقل

فيه وقت وعنده فرصه
من الحين خله يدخل نادي
او يهرول ويحسن من لياقته
وكثير ناس مدخنين تخرجو

استغفر الله
اشهد ان لا اله الا الله اسغفرك واتوب اليك

انا احرق حرق وباقي 9 ايام ولياقني صفر ^__^

وش السوات ي الربع

يارجال انا دخلت الدوره وانا مدخن والوضع عادي مع الهروله وحماس الشباب تمشي مافيه شي صعب الصعب انك تجلس عاطل وطفران طول وقتك يدخل ويضغط على نفسه