سلام عليكم ورحمه الله وبركاته

اخوكم خريج الكليه التقنيه عام 2008
حاليا متوظف بشركه راتبها 3 الاف عمل مسائي
واوصل مدارس الصباح , يعني اخر الشهر تصفى لي 4500 تقريبا

الحمد لله ساكن مع الاهل , الوالد متوفي رحمة الله عليه
والحمد لله كملت بناء سكن لي بالدور الثالث وتيسرت شوي شوي

فكرت بالزواج وانا داخل ع عمر الـ 32 وتقدمت لخطبه قريبه لي (بنت العم رحمه الله عليه )
وتم التواصل عنها عن طريق الاهل والبنت موافقه بس شرط تكمل دراستها الجامعيه
وانا ماعندي مانع نتزوج وتكمل دراستها , تفاجأت بشرط مدري انه تعجيزي او
مايبوني ( انت موظف شركه ) ماتصلح نبغى موظف حكومي

وقتها توهقت , هل العيب مني اني موظف بشركه ؟؟
ماحصلت وظيفه حكوميه ماعرف واسطه يعني مااتزوج .؟؟
لازم اكون صاحب اموال عشان يتم الموافقه ..؟؟
( هذولا اقرب الناس لي وكذا تعاملهم )


رأيكم يهمني


دعواتكم لي بالتوفيق في الدنيا والاخره

معهم حق
انت دخلك الشهري قليل وهذا مو عيب لكنك في مكان ما تدري ممكن يفصلونك بأي لحظه

وعليكم السلام
لاليس معهم حق ابدا والوظيفه التي انت بها الان جيده نوعا ما للأسف بناتنا اصبح الأكثريه منهن عوانس بسبب التصرفات الخاطئه من الاهل اكبر عائق للشاب هو السكن وهم الايجار تصرفهم هذا هو للأسف عدم الرغبه بك شخصيا ومحاوله للتطفيش ارى انك تبحث عن الفتاة التي تسعدك ومااكثر الناس الذين يبحثون عن الستر لبناتهم لاتلتفت لمن رفضك ابحث لاتيأس الان وصل عمرك 32 سنه وماذا بعد اعرف شبابا متزوجون من اقربائي رواتبهم 3000 ريال و3200 ريال ولكنهم غير مستأجرين احوالهم الان طيبه لو كان شرط كل العوائل ان يكون المتقدم للزواج موظف حكومي لما تزوج احد ببلدنا كل بيت ببلادنا به من الفتيات ويتمنى الابوان الذين يخافون الله اسعاد بناتهم قبل فوات الاوان ابحث عن البديل وربي معك

كلامك يا المنتصر بالله عاطفي اكثر من منطقي
ثلاثة الاف لو بوظيفه حكوميه اتفق معك لكنها بقطاع خاص

والله ياسيف ونا اخوك كل واحد يعيش على قده هذا رجل لو افترضنا ان الشركه قالتله مع السلامه فيه 1000 شركه تقبله اهم شي مافي احد اخر الشهر يدق بابك ويقولك هات الاجار ولااطلع بعدين هو دخله 4500 نحن نعاني من بعض الناس ينظر للاخر نظرة دونيه وكأنه من كوكب اخر والله اعرف واحد جاري وربي زوج بنته لعاطل لايملك الا سياره يشتغل عليها وزواجه عقد بمنزله عشاء خفيف هل تصدق ان هذا الشاب هو من يقوم بشئون ابا زوجته وأولاده لاينظرون اليه الرجل في المقام الأول يشتري رجل اما موضوع الماده فالله عز وجل لايترك احدا ممكن يشتغل بسياره او اي اي شئ حتى يجد الوظيفه المناسبه له في يوم ما وببساطه كل شئ نبغاه صعب يصعب نبغى نسهله يسير سهل

الله يسعدك يا المنتصر
والله يرزق اخونا الزوجه الصالحه

مؤيد لكلام اخونا المنتصر بالله لكن بزود عليه شوي وهي نصيحه من محب

اذا تبي الراحه تزوج من ناس بعيد عنك

افتك من بنت العم او بنت الخال والاقارب

اعرف واحد تقريبا نفس وضعك وخطب بنت عمه وقامو يتشرطون ... وتركهم وراح وخطب وحده من قبيله ثانيه

والله العظيم انه الحين يتحمد الله ليل ونهار ومرتاح وبأفضل حال

لا والله ماعليك عيب دامك تخاف ربك و متوكل عليه و قايم بواجباتك تجاه الله ثم اهلك و الناس ماعليك غلط ابد !




و بنت عمك من حقها تطلب و تقول و تتشرط بكيفها هذي حياتها و هي حرة مع اهلها , ما يهمك .



و الحمدلله انت عندك بيت و سالم من الايجار ماشاء الله تبارك الله و هذا شي كووويس جدا .

و زين مفكر بالزواج لأن زي ما امي تقول , الزواج ما يفقر الواحد اذا خذا زوجة طيبة صالحة بالعكس بيغنيك ربي من فضله ..

و الوظيفة بتلقى ان شاء الله وظيفة ثابتة احسن منها و اعلى راتب بملبون مرا بإذن الله و تفتك من الدوامين الصباحي و المسائي , و شهادتك ترى مطلوبة كثيررر و ياما اشوف اعلانات توظيف عنها .



عندك الشركات الكبيرة زي الكهرباء و ارامكو و المراعي و شركات الاتصالات و المستشفيات و غيرها كثير .



بس انت استخير بالاول ثم استشير سواء بوظيفة أو زواج أو اي شي .




بالمناسبة اختي تزوجت و وزوجها والله ماعنده الا ثانوي و كان بشركة و راتبه حول راتبك , و سبحان الله توظف بعد الزواج بكم شهر بوظيفة حكومية و مرتاحين " ماشاء الله تبارك الله " .




//




الله يوفقك و ادعيلي بتيسير اموري كلها و راحة البال و طمأنينة القلب و خير الدنيا و الاخرة بالله .