الله يوفقك الخريجه امل ويجزاك خير
اتوقع ان بنات الاداره هم الاكثر عدد اتذكر الاختبار التحريري كانوا مايقارب ثلاثين << عديتهم بعيوني 😁
والاقتصصاد كانوا اقل عدد
والمحاسبه متوسط
ريحتيني كنت شايله هم انهم يسالونا عن المواد اوشي كذا واحنا المخ يفرمت سريع سريع😢

انتي عكس توقعاتي ، احس المحاسبه هم اكثر شي .

امس انا بس اقتصاد، واعتقد ثلاث ادارة وادارة ماليه والباقي محاسبه ، ومو متأكدة اذا صح علي او لا

شوفي لنا اليوم كم العدد ومن اكثر قسم ؟

الله يوفقك ي امل ويسعد قلبك
ريحتيني من موضوع التخصص كنت شايلة هم طول الليل

شكل المرشحات قليل.. للحين المعلومات المتوفرة ان المقابلة يومين مافيه احد جاء وقال مقابلتي يوم 8 او 9 او ..الخ

بس سؤال ندخل بالعبايات عادي؟《 سؤال داخل عرض بس عشان اشوف اهتم باللبس او لا 😕

سؤال ثاني وسابق لآوانه ..تتوقعون نقدر ننتقل للرياض بعدين او خلاص الخرج مافيه ومافيه نقل😢

بالنسبة للعبايات فيه بنات كثير دخلوا بعباياتهم، يمكن ثلاث او اربع اللي دخلوا بدون.

والنقل ما ادري عن اذا فيه امكانية او لا ، هو من حقك تقدمين نقل مستقبلا لكن هل فيه شاغر بالرياض او لا !

مرحبا صبايا
اليوم العدد كان تقريبا 9 مدري اذا جا احد بعدي لاني خلصت بدري وطلعت

المقابلة كانت صعبه ومخيفه ومربكة بالنسبة لي 😢
اسئلتهم
تكلمي عن نفسك؟
كيف ممكن تتنقلين الى الخرج مافيها صعوبه؟
وين تشوفين نفسك بعد 5 سنوات ؟
اذا ماقبلناك ؟
كل شي كنت اتكلم عنه عن بنك التسليف كانوا يقولون لا خطاء 😳طيب انا اخذت ه المعلومه من موقعكم 😥
اي لا هذا قديم مثل الترقيات قالوا ماعندنا كل 3 سنوات مثل ابتعاث الموظفين قالوا موقفين من زمان 😭يعني مرا ينرررررررررررفزززززززونك غصب
الله يكتب لنا اللي فيه خيره

انا كتبت ه المعلومات حتى تفيد من يجي بعدنا ويدور معلومه مايلاقيها

لاتنسوني من دعواتكم 🌹

الله يوفقنا جميعا،

ريم غريبه سألوك عن انظمة البنك ، مثل الترقيات والابتعاث عن طريق البنك

انا مثل أسالتك اللي وين تشوفين نفسك بعد خمس سنوات، ونفس الشي عن الخرج ان الوظيفه بالخرج وكيف بتنتقلين !

طيب كم عدد بنات الاقتصاد امس ؟ و وشو أكثر قسم من المرشحات ؟

اغلبهم ادارة اعمال

اهلن بنات

تقبل الله صيامكم واعمالكم

بالنسبة لي كانت المقابلة جيدة او بالنسبة لإجاباتي اقل من جيده نوعا ما..
هم كويسات بس سريعات البديهة ويلقطون اجاباتك وانا حوست الدنيا شوي😥😦

كانت مناقشة وسوالف ونفس الشي سألوني عن الخرج والتنقل وكيف اباشر مشروع خارج الخرج
بالاضافة للأسئلة العادية وش سويتي بعد التخرج وعلاقتك بالمحاسبة بعد التخرج
وكيف لغتك والحاسب ونقاط ضعفك والعمل الجماعي وتعاملك مع عميل ينرفزك او يسبب مشكلة
وايش سلبيات التعامل مع العملاء وهذا غلط مني اني بينت لهم مااحب اتعامل مع العملاء ونشبوا لي اغلب الأسئلة بعدها كانت عن العملاء ومشاكلهم يعني ورطت نفسي
وسألوني وين قدمت غير البنك وايش الوظايف اللي ترشحت لها

كنا تسعه ومانتبهت للتخصصات
بس انا و2 يمكن محاسبة الباقين مانتبهت لهم😥

اللي عرفته ان الفرع جديد من ضمن اسئلة الموظفة قالت ان الفرع جديد ويمكن تتعرضين لضغوط من العملاء وكيف بتتعاملين مع هالضغط ومشاكلهم؟


ريم .. انا اتوقع شفت اسمك بالكشف
بس بسألك كم وحدة قابلت قبلك؟
لأن اللي قابلوا بعدك 8 بنات

ويارب تكون هالمشاركة مفيدة للي يحتاجها
دعواتكم🌹🌹