ايه انا اعتقد كذا بخصوص وقت المقابلات.

وما اعتقد يكون فيه حوسه شكل المرشحات قليل.

ان شاء الله اقول لكم وش صار معي، مع اني اعتقد ان المقابلة راح تختلف من قسم لقسم بس أقل شي يكون عندكم نظرة عامة للمقابلة.

الله يسهل لنا جميعا.

السلام عليكم ورحمة الله وبركاته
الله يوفقكم بنات .. حبيت افيدكم ببعض المعلومات نقلتها من منتدى ثاني على لسان احد موظفين البنك

المرتبة 42 = المرتبة السادسة
الاساسي للدرجة الاولى 6740
المرتبة 43 = المرتبة السابعه
الاساسي للدرجة الاولى 7735
المرتبة 44 =المرتبة الثامنة
الاساسي للدرجة الاولى 8790

مميزات وظيفية تم نقلها من الموقع قبل فتره ..
المزايا الوظيفية للبنك :
1. راتب شهري حسب سلم الخدمة المدنية للوظائف المدنية .
2. مكافأة شهرية بواقع ( 20% ) من الراتب الأساسي .
3. مكافأة سنوية في أول شهر رمضان المبارك من كل عام مقدارها راتب شهرين .
4. بدل سكن سنوي مقداره راتب شهرين .
5. مكافأة تشجيعية للموظفين المتميزين الذين يؤدون إعمالهم بجدارة في حدود راتب شهر ونصف في السنة وقد تصل الى راتب ثلاث أشهر بعد موافقة مجلس الإدارة .
6. تأمين طبي للموظف وعائلته و والديه .
7. بدل طبيعة عمل شهري لشاغلي بعض الوظائف الفنية .
8. مكافأة لمن يكلف بمهام إضافية مثل ( عمل إضافي – انتدابات ) .
9. توفير فرص التدريب والابتعاث الداخلي والخارجي .
10. المدة النظامية للاستحقاق الترقية من مرتبه الى مرتبه ثلاث سنوات .

افيدونا بعد المقابله .. لأجل نتحمس للتقديم ان فتح مره ثانية ان شاء الله ..
اختكم خريجة جديدة وحابة اتفائل فيكم

موفقين ان شاء الله

صباح الخير
اللي قدموا على فرع المدينه احد وصلته رساله بالقبول او الاعتذار ؟؟!!!

اذا ماعليكم امر وكلافه اللي جته رساله قبول للمقابله ممكن يذكر لنا مؤهلاته بشكل عام اذا مافيه احراج بشوف وش ناقصني
او سبب عدم ترشيحي لعل وعسى استفيد من ما عندكم لتطوير نفسي .. وياحبذا درجه قدارت الجامعيين لان اشوف 67 كويسه وهما يقولو مجموع الدرجات مايؤهل ؟

وشاكره ومقدره .

أعتقد من اللي قدموا قبل لفرع الدمام قبل سنه قالوا انه تتجاوزين 70% بأختيار التخصص علشان تنتقلين للمرحله الثانية وأتوقع هالكلام بعد على قدرات الجامعيين

اللي عنده اي معلومات حول المقابلة واسئلتها ياليت يفيدنا ويحتسب الاجر

واخواتي اللي عطونا معلومات الله يجزاكم خير بهالشهر الفضيل ويرزقكم ويبارك لكم

المتخرجة امل

بشرينا وش صار معك اليوم؟

البنات اللي راحوا اليوم وش صار معكم ؟

مرحبا يا بنات ،

امس كانوا المرشحات للمقابلة عددهم 9 بنات فقط واعتقد اليوم نفس العدد، اغلبهم محاسبه وفيه ادارة واقتصاد.
ياليت اللي بيروحون للمقابلة اليوم يقولون لنا كم العدد ،

بالنسبة للوقت اللي تحضر اول تدخل اول ، ما فيه حوسه ابد ومنظمين باستثناء انهم تجاوزوا بنتين اللي هم انا وبنت ثانيه وقدموا اخر بنت جت، ربما فيه اسباب تخليها تدخل قبلنا بس ما اعجبتني هالحركه ابد .

اما المقابلة كانت حلوه مو سيئة، قابلوا معنا 3 من ضمنهم مديرة الفرع، والأسئلة كانت عامة ما فيه عن التخصص ابد وفيه اسئلة تكررت ع البنات من ضمنها ان الوظيفه بالخرج. وحرصوا ان الوظيفه بالخرج وكيف راح تتنقلين ومن هالكلام.

جاني سؤال عن نقطة الضعف عندي وعن العمل بالجماعة.

طبعا كل وحده تدخل كلامها يوجههم للمقابلة، مثلا اللي سبق لها العمل وقالت اني سبق واشتغلت بالمكان الفلاني راح يسألونك عنه، أي شي راح تقولونه حطوا ببالكم انه ممكن يطلعون منه سؤال لك.

بشكل عام ادخلوا مرتاحين ومجهزين انفسكم لأي سؤال.