[align=center]السلام عليكم ورحمة الله وبركاته،
أسعد الله أوقاتكم بالخير والمسرّات ..

/

أختي حصلت لها وظيفة بروضة أهليّة معلمة وطبعًا تعمل في تخصصها، لكن فيه مشكلة بما يخص الراتب!
كأنّه أجر يومي! بالرغم من العقود الموحدة تلزم مُلّاك المدارس بـ 5600 مع الموارد البشرية.

الحاصل المالك رافض يرفع الرواتب، اللّي راح تستلمه تقريبًا مع دعم الموارد مع خصم التأمينات 3000 ريال!
وشهر عن شهر يفرق، ذي القعدة مختلف عن ذي الحجة بسبب الاجازة!

وكمان راح يلزمها بدفع 20٪ من الراتب الأساسي للتأمينات الاجتماعيّة، رافض يدفع 11٪ وهي 9٪ !!

سؤالي الآن هل الروضات الأهلية فعلًا مايجيها دعم؟
وإلا فالعقد باطل؛ لأن هذا كذب وتدليس!!

أرجوكم محتاجة إجابة أكيدة خلال هاليومين، قبل ترّد عليهم.

لأنّها راح تسمح لهم بالخصم في حال فعلًا الروضات لا تستلم دعم[/align]

عليكم السلام ورحمة الله ..

أهم شي يالغاليه ترى الرزق مو موقف عليهم ..
واللي يقبل يكون بوظيفه مدعومه براتب أقل من 4 آلاف ..
هذا ظالم لنفسه ومتنازل عن حقه وبأبخس الأثمان ..
مو لأن الراتب قليل ..
إنما لأنه لو قدم على شركة أخرى بيقولون اول شي أنت مدعوم ..؟!
إذا نعم بيرفضون طلبه ..

وبعدين اللي أولهم طمع والله بيطمعون فيها حتى بطبيعة العمل ..




ثانياً ..
هذا رقم هدف الموارد البشريه دقي الحين وبقولون لك على كل شي ..
ترى أظن الساعه 5 أو المغرب يقفلون ..


920000713



وبلغينا وش صار بنعرف النظام معك ونكسب معلومه

الله يوفقك لما فيه الخير

المدرسة يجيها دعم من الموارد وهو المستفيد وهو مجبر بدفع الـ11% مو على كيفه يتصرف

والراتب اللي بالعقد هو اللي يسلم بعد ان يخصم منه 9% من الراتب الاساسي + بدل نقل فقط لا غير

واي خلاف يحصل من صاحب المدرسة عن ذلك يجب رفع شكوة ضده لوزارة التربية و التعليم و مكتب العمل

وتتم مطالبته بجميع الحقوق وتوقف خدماته الا ان تنتهي القضية و الله يسهل على اختك لازم تعرف حقوقها

اولا قبل ان تكون معلمة

مالك المدرس علي بابا كبير

بالنسبه للتامينات صاحب العمل يدفع 11 بالمية بدل مخاطر

والموظف يدفع 9 بالمية معاشات

وحاليا نظام ساند 2 بالميه الموظف يدفع نصفها وصاحب العمل يدفع النص الئاني

يعني بعد ساند الموظف راح يدفع 10 بالميه وصاحب العمل 12 بالميه


بالنسبه للراتب خليها تحط رقم هويتها في موقع صندوق الموارد في خانه التحقق من الدعم

وتشوف هل هي مدعومه او لا

واذا مدعومه كم نسبه الدعم

اذا فيه خلط تروح بنفسها الصندوق وتسال وتاخذ معاها صورة من العقد